खोज

बुटवल,३ कात्तिक । बैंकर प्रकाश पौडेलले रेमिट्यान्सले मात्र देश उंभों नलाग्ने भएकाले युवा पिंढीले देशमै भविष्य देख्न सक्ने अर्थतन्त्र बनाउन सरोकारवाला सबैको ध्यान जानुपर्ने अपील गरेका छन् ।
शाइन रेसुंगा डेभलपमेन्ट बैंकका सीईओ पौडेलले रेमिट्यान्सको लागि देशले गरेको त्याग धेरै नै महंगो भैसकेको औंल्याउंदै आउंदो पिढींले आफ्नै देशमा भविष्य देख्न सक्ने अर्थतन्त्र बनाउन पौडेलले अपील गरेका हुन् ।

सामाजिक सञ्जालमा चाडपर्वको शुभकामना दिंदै पौडेलले आयातमुखी अर्थतन्त्रले रोजगारीको श्रृजना नगर्ने र राजस्वको श्रोतलाई समेत अस्थिर बनाउने प्रमाणित भैसकेकाले आफ्नै देशमा उत्पादन बढाउनुपर्नेमा पौडेलले जोड दिएका छन् । रेमिट्यान्सले मात्र देश उंभो लाग्ने भए नेपाल र नेपाली संसारमै समृद्ध हुने थियौं भनेका छन् ।

कहां चुक्यौं हामी र कहां चुक्यो हाम्रो देश भन्ने प्रश्न गर्दै पौडेलले अवसरको लागि विश्व आज एउटै घर र एउटै देश भएको स्पष्ट गर्दै आजको युवा पुस्तालाई नेपालमै अवसर रहेको तर हामीले वुझ्न ढिलो मात्र हैन निकै नै ढिला गरेको औंल्याएको छन् । पौडेलले आशाको दियो बाल्न र गाली संस्कृतिलाई यो भन्दा अगाडि बढ्न नदिन सबैमा अपील गरेका छन् ।

यसअघि पनि पौडेलले यस्तै देशभक्तिपूर्ण अपील गर्दै स्वदेशमै सम्भावना देख्न अपील गरेका थिए । पौडेलले नेपाली समाजमा पछिल्ला वर्षहरुमा देखिएको प्रवृत्तिमा सुधार र परिवर्तन होस् भन्ने उद्देश्यले नेपालमा संभव हुने अध्ययन,उपचार,किनमेल र संभव भएसम्म रोजगारी आफ्नै देशमा गर्नुपर्ने आग्रह गर्दै अरुलाई दोष दिने, गाली गर्ने सोंच र प्रवृत्ति परिवर्तन गर्न पनि आग्रह गरेका थिए ।

यसअघि पौडेलले गरेको अपील
अध्ययनको लागि बिदेश, रोजगारीको लागि बिदेश, स्वास्थ उपचारको लागि बिदेश ।।
हामी एक अर्को लाइ गाली गर्न र अरुलाइ दोषी देखाउनु मै ब्यस्त ।।
हामी ब्यापारमा मन्दी आयो भन्छौं, उपभोक्ता बिदेशमा, पैसा हरायो भन्छौ, पैसा शिक्षा र उपचारमा बाहिर ।।
सक्ने जति अरु देश, नसक्ने भारत ।। दिल्ली लगायतका अन्य शहरका अस्पतालमा नेपालीको लाइन छ, कलेजमा नेपाली बिद्यार्थीको भिड छ ।।
आयातको त कुरै नगरौं, धन्न रेमिटेन्स छ र गफ गर्न पुगेको छ ।।
कुरा ठुला होइन, सानो सानो कुराबाट नै हो परिवर्तन आउने हो । सबै आ आफ्नो ठाँउमा जिम्मेवार बनौं ।।
सबै नेपालीले आफ्नो देशमा आफ्नो भबिस्य देख्न सकुन, सबै युवाले नेपाली अर्थतन्त्रमा आफ्नो भबिस्य देख्न सकुन, देशले हाम्रो सोच र व्यबहारमा परिबर्तन खोजेको छ ।।