खोज

बुटवल, १ कार्तिक । रूपन्देहीको मंगलापुरका किसन थापा श्रीमतीको उपचारका लागि बुटवलको लुम्बिनी प्रादेशिक अस्पतालमा आउँदा पार्किङ्गमा समस्या भोगे । उनले श्रीमतीलाई पाँच दिनसम्म अस्पतालमा राख्दा निकै असहज महसुस गरे । श्रीमतीलाई चाहिने सामान लिन जानुपर्ने आएर कहाँ मोटरसाईकल राख्ने हो ठाउँ चाहार्दामा समय जान्थ्यो । यति ठूलो अस्पतालमा पनि यस्तो समस्या हेर्दा सामान्य लागे पनि समस्या भोग्नेलाई मात्रै थाहा हुने उनी बताउँछन् ।

उनले पहिले आउँदा पैसा तिरेरै अस्पताल हाताभित्र पार्किङ्ग गरेका थिए । पछिल्लो समयमा भित्र अस्पतालको गार्डले जान नदिने बाहिर पार्किड्ड गर्दा बाटो हिँड्ने मानिस स–साना व्यवसाय गर्ने व्यापारीलाई असहज त्यसमाथि मोटरसाईकल राखेपछि अव्यवस्थितका कारण निकाल्नै धौ–धौ । खाली स्थानमा राखे प्रहरीले राख्न नदिने । यसले अस्पतालमा सेवा लिन आउने सर्वसाधारणले सास्ती भोगिरहेको उनले बताए । पार्किङ्गको व्यवस्थापन अस्पतालले छिटो भन्दा छिटो गर्नुपर्नेमा उनको सुझाव छ ।

रूपन्देहीको मोतिपुरका राजु पौडेलले पार्किड्डको व्यवस्था नहुँदा आफ्नो साईकल नै हराएको बताए । अस्पताल बाहिर साईकल राखेर बिरामी दाई हेर्न गएको थिएँ । करिव एक घण्टामा आउँदा साईकल नै थिएन । चापी फोरेर साईकल नै कस्ले लग्यो पत्तै भएन । अनावश्यक रूपमा क्षति भयो । कस्लाई भन्ने पार्किड्ड भएको भए सुरक्षित त हुने नै थियो हराए पनि भन्ने ठाँउ हुन्थ्यो होला । यो विषयलाई अस्पतालले गम्भीर रूपमा लिन पौडेलले अनुरोध गरे ।
मोतिपुरकी जुना थापाले गएको महिना आफनो अन्टीले छोरी जन्मिाएपछि खुशीले भेट्न आईन । उनी पनि स्कुटर पर्किङको समस्यामा परिन । थापा भन्छिन् –‘साँझ परेको थियो अस्पतालमा पुगे । अस्पतालको गार्डले राख्न भने पछि मैले बाहिर रोडकै छेउमा स्कुटर राखे । त्यो दिन एकछिनमा ठूलो पानी प¥यो । पानी रोकिए पछि घर जान निस्कँदा स्कुटरको स्टाट नै भएन । अब के गर्ने बाटो छोड्न नि नहुनी रातीमा घर लैजान खुल्दैन आपत प¥यो मलाई । यति धेरै बिरामी आउने अस्पतालमा सामान्य पार्किग नहुनु भन्ने त दुखद पक्ष हो । यो विषयमा अस्पताल र सम्बन्धित निकायले ध्यान दिन पर्छ । उनी भन्छिन् –‘त्यो दिन रातीमा कस्तो आपत प¥यो पछि अस्पतालको गार्ड दाईसँग आफनो समस्या बताए पछि अस्पताल भित्र स्कुटर राखेर म घर फकिएको छु । ’
अस्पतालमा पाकिङ्ग समस्या मात्रै होईन, पछिल्लो समयमा पार्कीङ्ग बाहिरबाट दर्जन बढि मोटरसाईकल, स्कुटर चोरी भएका छन् । यसरी सरकारी अस्पतालबाट सवारी साधान चोरी भएपनि यसको कुनै पनि जिम्मेबार लिने निकाय नै छैन ।
लुम्बिनी प्रादेशिक अस्पताल बुटवलका अध्यक्ष अजयमान श्रेष्ठले पर्किङको समस्या भएको स्वीकादै आफुले छिटो नै समस्या समाधानका लागि ब्लड बैक अगाडी रहेको खाली जमिनमा पार्किङको व्यवस्था गर्न लागेको बताए । उनले अस्पतालले शुल्क लिएर पार्किग गर्न नपाउने भएकाले पनि समस्या सृजना भएको भन्दै यसका लागि बुटवल उपमहानगरपालिका र ट्राफिक प्रहरीसँग सहकार्यका लागि कुरा अगाडी बढाइएको बताए । त्यहाँ पार्किङलाई व्यवस्थित गर्न अस्पतालले दुई जना गार्डको व्यवस्था गर्ने सम्मको तयारी भएकाले दशै तिहार लगतै समस्या समाधान हुन श्रेष्ठले बताए ।
आजभोली सामान्य घर बनाउदा त पार्किगका लागि जग्गा छुट्याउने समयमा प्रदेश कै ठुलो अस्पतालमा पार्किग नहुँदा सर्वसाधारणलाई समस्या परेको छ । दैनिक सयौ बिरामी आउने अस्पतालमा यसरी पार्किगको समस्या हँुदा धेरै विरामी र विरामीका आफन्त मारमा परेका छन् । यो विषयमा अस्पताल प्रशासन र बुटवल उपमहानगरपालिकाको कहिले पुग्ला ध्यान रु अस्पतालमा सेवा लिन सवारी साधन लिएर आउने सेवाग्राहीको गहुँगो प्रश्न छ ।