खोज

बुटवल, ३० असोज ।

रुपन्देही उद्योग संघमा काँग्रेस–एमाले निकट उद्योगीहरुको संयुक्त प्यानलले क्लीन स्वीप गरेको छ ।
सोमबार विभिन्न पदका लागि भएको निर्वाचनमा माओवादी केन्द्र र नेकपा एस निकट उद्योगीहरुको स्वतन्त्र प्यानललाई हराउँदै काँग्रेस–एमाले निकट उद्योगीहरुको संयुक्त प्यानल विजयी भएको हो ।

सोमबार राति सकिएको मतगणनामा संघको द्वितीय उपाध्यक्षमा हरिबहादुर खत्री ४०० मत ल्याइ विजयी भ एभने उनका प्रतिष्पर्धी माया खनालले २८६ मत ल्याइन् । त्यस्तै कोषाध्यक्षमा युवराज आचार्य ३७८ मत ल्याइ विजयी भएका छन् भने उनका प्रतिष्पर्धी सुरेन्द्र ज्ञवालीले ३१० मत पाए ।

त्यस्तै सचिवमा सुमन बस्याल ३९६ मत ल्याइ विजयी हुँदा उनका प्रतिष्पर्धी कमल ज्ञवालीले २९१ मत ल्याए । सहकोषाध्यक्षमा विशाल बेलबासे ४२५ मत ल्याइ विजयी भएका छन् भने उनका प्रतिष्पर्धी प्रेमबहादुर आलेले २६८ मत ल्याए ।

त्यस्तै महिला सदस्यमा मिना थापा तुलाधरले ४८९ र शारदा भट्टराईले ४५७ मत ल्याइ विजयी भएका छन् । त्यस्तै ८ जना खुला सदस्यका लागि भएको मतदानमा कृष्णप्रसाद पोखरेल ४८३, नारायणप्रसाद खनाल ४९२, मोहनीलाल रिजाल ४३१, बलबहादुर गोदार ४१५, अखिलेश गुप्ता ४२०, किरण खरेल ४८९, चक्रपाणी तिवारी ३७३ र अशोक कुँवर ४८० मत ल्याइ विजयी भएको निर्वाचन अधिकृत यमलाल खनालले जानकारी दिए । एकहजार १३ जना मतदाता रहेकोमा ७०३ मत खसेको थियो ।

संघको अध्यक्षमा भने यसअघि नै दिलीप भट्टराई निर्विरोध भइसकेका छन् । त्यस्तै वरिष्ठ उपाध्यक्षमा कृष्णप्रसाद पराजुली, प्रथम उपाध्यक्षमा जिवकान्त काफ्ले, महासचिवमा हिरामणि भट्टराई, महिला सचिवमा मन्जु भुसाल यसअघि नै निर्विरोध भइसकेमा छन् । त्यस्तै एशोसिएट सदस्यमा प्रज्वल थान्जु, आजीवन सदस्यमा माधवप्रसाद नेपाल, संस्थागत सदस्यमा गोविन्दप्रसाद भुसाल, बुटवल औद्योगिक क्षेत्रबाट लालप्रसाद बस्याल, बुटवल उपमहानगर सदस्यमा लालहरि पाण्डे, तिलोत्तमा सदस्यमा रमेशप्रसाद आचार्य, सैनामैना सदस्यमा नारायण ज्ञवाली र शुद्धोधन गाउँपालिका सदस्यमा टंकनारायण आचार्य पनि निर्विरोध भएका छन् ।