खोज

बुटवल,२७ असोज । भारतको उत्तरप्रदेशका मुख्यमन्त्री तथा भारतिय जनता पार्टीका प्रभावशाली नेता योगी आदित्यनाथ र नेपाली कांग्रेसका प्रभावशाली नेता एवं केन्द्रिय सदस्य तथा पूर्व गृहराज्य मन्त्री देबेन्द्रराज कण्डेल बिच भेटवार्ता भएको छ ।

उनीहरुबीच शुक्रबार उत्तरप्रदेशको प्रयागराज,लखनउस्थित मुख्यमन्त्री योगीको कार्यकक्षमा शिष्टाचार भेटवार्ता भएको हो ।

उक्त भेटमा नेता कंडेलले विशेष गरी उत्तर प्रदेश राज्य संग जोडिएका नेपाल र भारतका सिमाक्षेत्रमा हुने समस्या लाई न्यूनीकरण गर्ने, सहज आवत–जावत,ब्यापार नीतिलाई प्राथमिकता दिने,नेपालका धार्मिक,पर्यटकिय लगायत क्षेत्रमा थप समन्वय गरी बवकासका कार्यक्रममा सहयोग गर्न आग्रह गरेका कांग्रेस नेता कंडेलका स्वकीय सचिव कमलकिशोर रायमाझीले जानकारी दिए । सो अवसरमा नेपाल भारतबिचको सम्बन्ध सुदृढ तथा समसामयिक राजनिति , धार्मिक बिषयबस्तुमा छलफल भएको थियो । नेता कंडेलले मुख्यमन्त्री योगीलाई नेपालका धार्मिक स्थलको भ्रमणका लागि निम्तो समेत दिएका र मुख्यमन्त्री योगीले छिटै नेपाल भ्रमणमा आउन सक्ने बताएका थिए ।
भेटमा उत्तरप्रदेशका पुर्व मन्त्री सुजन त्रिपाठी , ब्यवसायी योगेश बाजपेयी लगायतले नेपाल र भारतबीचको सम्बन्ध जनस्तरमा पनि सुमधुर बनाउनुपर्नेमा जोड दिएका थिए ।