© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमाडौं,२६ असोज । कोशी प्रदेशको मुख्यमन्त्रीमा दाबी गरेका नेपाली कांग्रेसका शेखर कोइराला पक्षका सांसद केदार कार्की ४७ जना प्रदेशसभा सदस्य प्रदेश प्रमुखको कार्यालयमा सशरीर उपस्थित भएका छन्।
एमाले ३९ र कांग्रेसका विद्रोह गरेका ८ जना गरी ४७ जना प्रदेश सभा सदस्यसहित कार्की सशरीर प्रदेश प्रमुखको कार्यालयमा उपस्थित भएका हुन्।
बिहीबार कार्कीले एमालेको समर्थनमा र माओवादी संसदीय दलका नेता ईन्द्र आङ्बोले सत्ता गठबन्धनको समर्थनमा मुख्यमन्त्रीमा दाबी गरेका थिए। सरकारमा दाबी गर्नको लागि प्रदेश प्रमुख परशुराम खापुङ्गले आज ५ बजेसम्म समय दिएका थिए।
दाबीको समय सकिसकेको र अब नियुक्तीको प्रक्रिया सुरु गर्ने समय भएकोले दबाब दिन सशरीर नै उपस्थित भएको कांग्रेसको कार्कीनिकट एक सांसदले बताए। दुई जनाको दाबी पेस भएपछि प्रदेश प्रमुखले आवश्यक कानुनी परामर्श गर्ने बताएका थिए। माओवादीका इन्द्रबहादुर आङबोले पनि गठबन्धनका ४७ जनाको समर्थन रहेको दावी पेश गरेका थिए । तर उनले आफ्नो पक्षमा छन् भनेका कांग्रेसका ८ जना केदार कार्कीको पक्षमा उभिएपछि उनको दावी स्वत: पुगेन ।
© २०२३
सर्वाधिकार सुरक्षित
Design & Developed By:
