खोज

बुटवल,२१ असोज । बुटवलको जितगढीस्थित एडमण्ड सिटी अस्पतालमा भारतीय भुपु सैनिक स्वास्थ्य सेवा ईसिएचएस कार्यक्रम लागू भएको छ ।

आइतबार एक कार्यक्रमकाबीच लुम्बिनी प्रदेशका स्वास्थ्य मन्त्री राजु खनालले उक्त सेवा शुभारम्भ गरेका हुन् ।
हस्पिटलका अध्यक्ष प्रकाश राना र भुतपुर्व सैनिक महासंघका सहअध्यक्ष क्याप्टेन किशन बहादुर थापाका बिचमा आईतबार ११ बुदे सम्झदारी पत्रमा हस्ताक्षर भएको हो ।

भारतीय सेनाबाट अवकास प्राप्त गरेका भूपु सैनिक र उनिहरुको आश्रीत परिवारलाई गुणस्तरीय स्वास्थ्य सेवा उपलब्ध गराउने उद्देश्य सहित हस्पिटल र महासंघका बिचमा सम्झौंता गरिएको सहअध्यक्ष थापाले जानकारी दिए ।

भूपु सैनिक र परिवारले घाईते वा बिरामी भए उपचार गराउनको लागि एडमण्ड सीटी हस्पिटल आएमा विशेष छुट प्राप्त गर्ने थापाले जानकारी दिए । सम्झौंता अनुसार ओपिडी टिकटमा ५० , बेड चार्जमा २० ,सम्पूर्ण परिक्षणमा २० र अपरेशन चार्जमा १० देखि २० प्रतिशतसम्म भूपु सैनिक र आश्रीत परिवारले छुट प्राप्त गर्नेछन ।

यस्तै बृद्ध, अपाङ्ग सदस्यहरुलाई विशेष छुट सुविधा प्राप्त गर्ने सम्झौंता पत्रमा उल्लेख गरिएको छ । सम्झौंताको अवधि २ वर्ष रहेको र ईसिएचएस कार्ड मार्फत सेवा प्रदान गरिने जनाईएको छ ।

कार्यक्रमका मन्त्री खनालले संसदबाट स्वास्थ्य ऐन पास भईसकेको बताउँदै दशै अघि नै नियमावली बनेर कार्यान्वयनमा आएपछि हस्पिटलहरुको नविकरण सुरु गरिने बताए ।

निजी स्वास्थ्य संस्थाहरु स्तरिय र मापदण्ड पालना गरे नगरेको अनुगमन गर्नको लागि मन्त्रालयबाट बिज्ञ टिम खटाईने खनालले जानकारी दिए ।   एकार्यक्रममा बुटव वडा नं १३ का वडाध्यक्ष नारायण पुन , संयुक्त भूतपुर्व सैनिक एंव प्रहरी कल्याणकारी महासंघ नेपालका केन्द्रीय महासचिब सुवेदार कुल बहादुर केसी , पत्रकार महासंघ लुम्बिनी प्रदेशका महासचिब बिक्रम खड्का , बुटवल उपमहानगरपालिकाका पुर्व उपमेयर बिमलराज शाक्य,लुम्बिनी प्रदेश जोनल मेम्बर सुवेदार मेजर पुरन शाही , प्राईभेट हस्पिटल एशोसियसनका अध्यक्ष रामप्रसाद खरेल , भूपू परिवकाका महिला प्रतिनिधि दीपा थापा, सैनामैना नगर अध्यक्ष मोतिप्रसाद राना , जितगढी टोल विकास संस्थाका अध्यक्ष मोहन गौडेल , ईसिएचस बुटवलका पोलिक्निक इन्चार्ज डा दिपेश शर्मा , अस्पतालका मेसु प्रोफेसर डाक्टर प्रकृत राज कंडेल लगायतले यो कार्यक्रमले भूपू सैनिक र उनीहरुका परिवार लाभान्वित हुने बताए ।

अस्पतालका अध्यक्ष प्रकाश रानाले भारतीय भूतपुर्व सैनिकहरुको माग अनुसार अस्पतालमा भारतीय भुपु सैनिक स्वास्थ्य सेवा कार्यक्रम सञ्चालन गरिएको बताए ।
जनतालाई सहजरूपमा स्वास्थ्य सेवा उपलब्ध गराउने दायित्व राज्यको भए पनि तत्काल राज्यले सो सेवा उपलब्ध गराउन सक्ने अवस्था नरहेकाले त्यसबेलासम्म निजी अस्पतालबाट सेवा लिनुको बिकल्प नभएको बताए ।