खोज

बुटवल, २० असोज ।

लालटिन बहुउद्देश्यीय सहकारी संस्था लिमिटेडको आठौ साधारण सभा सम्पन्न भएको छ । ‘सहकारी अभियानमा उज्यालो लालटिन’ नारासहित स्थापना भएको सहकारीको साधारण सभामा सहकारीको प्रगती बिवरण प्रस्तुत गर्दै अध्यक्ष गंगालाल सापकोटाले कोभिड संक्रमण र आर्थिक मन्दीको कारण लक्ष्य अनुसार काम गर्न नसकेको बताए । नाम अनुसार नै कृषि क्षेत्रलाई प्राथमिकतामा अभियान चलाएको बताए । ‘हामीले कृषि शिक्षामा न्युनतम ब्यमजदरमा लगानी गरेका छौ ।’—उनले भने ।

सहकारी मर्म अनुसार दैनिक उपभोग्य सामानहरुलाई आफै प्याकेजिङ गरि बिक्रीवितरण गर्दा संस्था आर्थिक मुनाफामा रहेको उनले बताए । प्रत्येक वर्ष सहकारीको साधारण सभामा प्रदान गरिने यातायात खर्चलाई आफ्नै सहकारी पसलमा खरिदको लागि कुपन बितरण गरिदा यसबाट दोहोरा फाईदा भएको उनले बताए । यो वर्ष १६ लाख बराबरको कुपन बितरण यसले ३२ लाख बराबरको कारोबार हुने उनले बताए । पसलको बिक्रीलाई बढाउदै लैजाने र शाखा बिस्तारको योजना रहेको उनले बताए । यसैगरि सहकारीको आर्थिक रुपमा समेत सबल रहेको कुरा ११.०५ बाट ११.८ लाभास दरको वृद्धिले देखाएको दाबी गर्दै उनले यसवर्ष कारोबारको आधारमा मुलाफा बितरण १५ लाख ८० हजार रुपैया तथा शेयर लाभासलाई ३२ लाख ८५ हजार रुपैया छुट्याएको बताए ।

कार्यक्रमको एक समारोहका बिच जेष्ठ शेयर सदस्य गोबिन्द बहादुर कार्कीले उद्घाटन गर्दै सहकारी समाजका मानवलाई जोड्ने अभियान भएको बताए ।

कार्यक्रममा डा लोकराज भुषाल, सल्लाहकार सुमन अधिकारी, सहकारीका सचिव दिनेश कुमार पाण्डे क्षेत्रीले सहकारीको संख्यात्मक वृद्धि भएपनि गुणात्मक हुन नसकेको भन्दै यसतर्फ सरोकारवालाहरुले ध्यान दिनुपर्ने बताए । सहकारीमा हाल शेयर सदस्य २ हजार ५ सय ७७ जना पुँजी २ करोड ८० लाख रुपैयाँ रहेको छ ।

यता देविनगरमा स्थापना भएको साईनो बचत तथा ऋण सहकारी संस्था लिमिटेडको १३ औ साधारण सभा तथा पाचौ अधिवेशनमा बोल्ने वक्ताहरुले सहकारीको संख्याभन्दा पनि कामलाई मूल्यांकनको आधार बनाउनुपर्नेमा जोड दिए ।

बुटवल बहुमुखी क्याम्पसका पुर्व सहप्राध्यापक लिला बहादुर केसीले उद्घाटन गर्दै समाजका ब्यक्तिहरुलाई एकतावद्घ गर्दै ससाना रकम संकलनबाट आर्थिक समृद्धिको काममा अग्रसर सहकारी प्रतिको दृष्टिकोण परिवर्तन हुन जरुरी रहेको बताए ।
सहकारीका अध्यक्ष रोम बहादुर कुँवरले व्यापार, ब्यवसाय गर्ने शेयर सदस्यहरुको मागलाई मध्यनजर गरी लगानी गर्दै आएको बताए ।

कार्यक्रममा शेयर सदस्य तोकम बहादुर कुंवरले सहकारीको सिद्धान्तसंगै एउटै थलोमा बसोबास गर्नेहरु मिलेर आत्मियताको भावना बढाउने गरी स्थापना भएको बताए । कोभिड जस्तो विपदको समयमा लड्न सफल भएको स्मरण गर्दै सहकारीमा आवद्घ भएर चाहिएको बेला ऋण लिएर सहि उपयोग गर्न जरुरी रहेको बताए । विशेष गरी उत्पादनशील क्षेत्रमा शेयर सदस्यहरु अग्रसर भएर लाग्नुपर्ने सुझाव दिए । सहकारीमा शेयर सदस्यहरुलाई तालिम र अभिमुखिकरणका कार्यक्रममा जोड दिनुपर्ने सुझाव दिए । सहकारीमार्फत केवल आर्थिकमात्र नभई सामाजिक कार्यमा समेत अग्रसरता देखिएको उनले बताए ।
शेयर सदस्य अनमोल कँुवरले सहकारी संस्था मुलमर्म अनुसार एउटै परिवारको रुपमा अघि बढ्न सुझाव दिईन् ।

कार्यक्रममा मालिका सहकारीका अध्यक्ष कपिल आचार्य, पथ प्रदर्शन सहकारीका कृष्ण बस्नेत, लेखा समिति संयोजक लक्ष्मण कुमार श्रेष्ठ, प्रेस सल्लाहकार विक्रम खड्का, सल्लाहकार सुर्य प्रसाद शर्मा सुवेदीले शेयर सदस्यहरुमा सहकारीको ज्ञानको कमी देखिएको भन्दै आगामी दिनहरुमा वित्तिय र सहकारी सचेतनालाई जोड दिने बताए । सहकारीमा सदस्य ५ सय ३४ जना छन । बाल बचत अन्तरगत ३८ जना समेत थप सदस्यहरु रहेको सचिव यदुमणी पोखरेलले बताए । सहकारीका जेष्ठ नागरिकहरु रोम बहादुर कुवर र धनकला पाण्डेलाई सम्मान गरिएको थियो ।