© २०२३
१९ मंसिर २०८२, शुक्रबार
१९ मंसिर २०८२, शुक्रबार
बुटवल,२० असोज । कोशी प्रदेशका मुख्यमन्त्री हिक्मतकुमार कार्कीले आज शनिबार विश्वासको मत लिँदै छन्। दिउँसो १ बजे बस्ने प्रदेश सभा बैठकमा कार्कीले विश्वासको मत लिने कार्यसूची तय भएको छ ।
संविधानको धारा १६८ को उपधारा ३ अनुसार गत भदौ २२ गते उनी मुख्यमन्त्री नियुक्त भएका थिए। नियुक्त भएको ३० दिनभित्र अनिवार्य विश्वासको मत लिनुपर्ने संवैधानिक व्यवस्था छ।
तर, कार्कीले विश्वासको मत पाउने आधार अहिलेसम्म देखिएको छैन। गठबन्धनमा रहेका कांग्रेस, माओवादी, एकीकृत समाजवादी र जसपाले सरकारलाई विश्वासको मत नदिने संकेत गरेका छन्। कार्कीलाई यसअघि मत दिएको राप्रपाले पनि योपटक विश्वासको मत नदिने बताएको छ।
अहिले प्रदेश सभामा एमालेसँग ३९ मात्रै सांसद उपसभामुखबाहेक छन्। कांग्रेसको २९, माओवादी केन्द्रको १३, राप्रपाको ६, एकीकृत समाजवादी ४ र जसपाका एक सांसद छन्।
यसअघिको कार्यकालमा एमालेको उपसभामुखसहित ४० र राप्रपाको ६ मत गरी मुख्यमन्त्री कार्कीले ४६ मत पाएका थिए। यसपटक उपसभामुखले मत हाल्न पाउने छैनन्। उनले प्रदेशसभा बैठक चलाउनु पर्ने छ।
यस्तो अवस्थामा एमालेसँग ३९ मत मात्रै छ। विश्वासको मत नपाए मुख्यमन्त्री कार्कीले राजीनामा दिनुपर्ने छ।
© २०२३
सर्वाधिकार सुरक्षित
Design & Developed By:
