खोज

बुटवल (बुटवलटुडे), २० असोज– कानून विद्यार्थी समाज कालिकाले समुदायमा संचालन गरिने कानूनी सचेतना सम्बन्धी प्रशिक्षण कार्यक्रमको लागि प्रशिक्षकहरूलाइ प्रशिक्षण कार्यक्रम सम्पन्न गरेको छ । कालिका मानवज्ञान माबी बुटवलमा कानून अध्ययनरत विद्यार्थीहरूले लुम्बिनी प्रदेशका विभिन्न स्थानमा रहेका विद्यालय, स्थानीय सरकार र नागरिक समुहको लागि कानूनी सचेतना कार्यक्रमहरू हरेक वर्ष संचालन गर्दै आएका छन् । यस्तो प्रशिक्षण कार्यक्रमलाई समसामयिक विषयवस्तुमा केन्द्रित र प्रभावकारी बनाउनको लागि प्रशिक्षक प्रशिक्षण कार्यक्रम संचालन गरिएको छ ।

प्रशिक्षण कार्यक्रममा बोल्दै वरिष्ठ अधिवक्ता तेज प्रसाद कंडेलले कानूनका विद्यार्थीहरू समाजका संवाहक भएकोले उनीहरूले समुदायमा कानूनका कुराहरू बुझाएर कानूनमैत्री समाजको निर्माणमा सहयोग पु¥याउनुपर्ने बताए । उनले कानूनका विद्यार्थीहरूले विद्यमान कानून, विधि, नजिर र अभ्यासको बारेमा बढी चासो राख्ने र विषयगत जानकारी राख्ने भएकोले पनि उनीहरूले सामाजिक उत्तरदायित्व अन्तर्गत देशका प्रत्येक कुनामा कानूनी सचेतना कार्यक्रम संचालन गर्नुपर्ने बताए ।

कालिका मानवज्ञान माविका विद्यालय व्यवस्थापन समिति अध्यक्ष नित्यानन्द ज्ञवालीले विद्यार्थीहरूले कक्षा कोठामा सिकेको कानूनी ज्ञानलाई समुदायमा बाँड्न सकेमा मात्र शिक्षा व्यवहारिक हुने बताए । विद्यालयका प्रधानाध्यापक दिनेश थापाले विद्यालयमा भैरहेका शैक्षिक अभ्यास र समुदायमा त्यसबाट पुगेको योगदानको चर्चा कानूनका विद्यार्थीहरूले गरेको सामाजिक र व्यवहारिक अभ्यासले गर्दा कानून शिक्षामा कालिका मानवज्ञान माबी नेपालमै अब्बल ठहरिएको बताए । अधिवक्ता तथा कानून शिक्षक शेराचन्द्र गिरीले कानूनी सचेतना महत्व र विद्यार्थिहरूले खेल्नुपर्ने भूमिकाको बारेमा चर्चा गरीका थिए ।

कार्यक्रममा अधिवक्ता दामोदर घिमिरेले नेपालको देवानी कानूनको बारेमा र अधिवक्ता ज्ञानु केसीले न्यायिक समितिको काम, कर्तब्य ,अधिकार र न्यायिक कार्यविधिको बारेमा प्रशिक्षण दिएका थिए । प्रशिक्षणमा १८० जना विद्यार्थी सहभागी थिए । प्रशिक्षण लिएका कानूनका विद्यार्थीहरूले लुम्बिनी प्रदेशका विभिन्न स्थानमा रहेका नागरिक समुह, विद्यार्थी र जनप्रतिनिधिहरूलाई कानूनी सचेतना सम्बन्धमा प्रशिक्षण दिने कानून विद्यार्थी समाज कालिकाका अध्यक्ष विवेक पौडेलले जनाए ।