खोज

नवलपुर, १८ असोज ।

पुर्वी नवलपरासीमा अहिले एचआईभी संक्रमितको संख्या ३५० भन्दा बढी पुगेको छ भने यो संख्या दिनप्रतिदिन बढ्दै गएको छ र मृत्युदर भने बिगतका वर्षका तुलनामा कमी हुँदै आएको छ ।

पुर्वी नवलपरासीमा रहेका चार नगरपालिका र चार गाउँपालिकामा एचआईभी संक्रमितहरुको यो संख्या गत वर्षको भन्दा बढी रहेको एचआईभीको क्षेत्रमा क्रियाशील संस्था लुम्बिनी प्लसका अध्यक्ष निर्मला पौडेलले बताईन् । जिल्लामा कावासोती, मध्यबिन्दु र देवचुली, गैंडाकोट नगरपालिका र विनयीत्रिवेणी गाउँपालिकामा बढी एचआईभी संक्रमितहरुको संखया रहेको छ ।

जिल्लाका १० बर्षदेखि १६ वर्ष सम्मका झण्डै २२ जना बालबालिकाहरु एचआईभीको संक्रमणमा परेका छन् भने त्यससंगै महिलाहरु बढी संक्रमितहरु भएका छन् भने त्यसको तुलनामा पुरुषहरु कम संक्रमितहरु रहेका लुम्बिनी प्लसका अध्यक्ष पौडेलले बताईन् । बिशेष गरी १० वर्षदेखि १९ वर्ष सम्मका किशोरकिशोरीहरु सवैभन्दा बढी एचआईभी र एड्सको जोखिममा परेको अध्यक्ष पौडेलले बताईन् ।

सेभ द चिल्ड्रेन अन्तर्गत ग्लोबल फण्डको सहयोगमा जिल्लामा संचालन भैरहेको एचआईभी र एडस सम्बन्धी कार्यक्रमबाट जिल्लाका संक्रमितहरुले फाईदा लिईरहेको अध्यक्ष पौडेलले बताईन् । कार्यक्रमले घरघरमा एचआईभीको बारेमा संक्रमितहरुलाई जानकारी दिने, सामुदायिक स्याहार कार्यक्रम, १५ दिने एआरटी औषधी वितरण जस्ता कार्यक्रमबाट एचआईभी संक्रमितहरु लाभान्वित हुँदै आएका अध्यक्ष पौडेलको भनाई छ ।

बिगत एक वर्षमा पुर्वी नवलपरासी जिल्लाका पालिकाहरुमा १० देखि १९ वर्ष सम्मका किशोरकिशोरीहरु सवैभन्दा बढी एचआईभी र एड्सको जोखिममा रहेका लुम्बिनी प्लसका अध्यक्ष पौडेलको भनाई छ । पुर्वी नवलपरासीमा यो एक वर्षको अवधिमा एक जनाको ज्यान गएको छ भने त्यसमा बालकको ज्यान गएको छ । एचआईभी संक्रमितको संख्या बढिरहेको भए पनि मृत्युदर भने कम हुँदै गएको जनाईएको छ ।

जिल्लामा रहेका संक्रमितहरुको अवस्था हेर्दा एआरटीको औषधी लिन चोरमारामा रहेको प्राथमिक स्वास्थ्य केन्द्रमा ४८ जनाले मात्र सुविधा लिन पाएका छन् भने बाँकी सबै भरतपुर जानुपर्ने बाध्यता रहेको र यसले एचआईभी संक्रमितहरुलाई धेरै समस्यामा पारेको प्लसका अध्यक्ष पौडेलको भनाई छ ।

असुरक्षित यौन सम्बन्ध र लागुपदार्थ प्रयोग गर्नेहरुले सुई साटासाटा गर्दा एचआईभी सर्ने प्रवल संभावना रहेकाले त्यस्ता किशोर किशोरीहरु सम्म पुग्ने गरेको बताईएको छ ।

उनीहरुका नजिकका साथीहरुले समेत साथीभाईको कृयाकलाप देखेर सिको गर्न सक्ने हुँदा सो बारे जानकारी दिन प्रत्येक पालिकामा समूह र टोल टोलमा जिवन उपयोगी शिक्षा कार्यक्रम समेत संचालन गरिएको पौडेलको भनाई छ ।

संक्रमणको जोखिमजन्य व्यवहारबाट सुरक्षित व्यवहारमा परिवर्तन ल्याउन पुर्वी नवलपरासीमा एचआईभी संक्रमितहरुको लागि कार्यक्रम संचालन गरिएको लुम्बिनी प्लसकी अध्यक्ष तथा १५ वर्षदेखि यस क्षेत्रमा क्रियाशील पौडेलले बताईन् ।