खोज

नवलपुर, १७ असोज ।

दुुई दिन देखि परेको अविरल वर्षाले पहाडी क्षेत्रमा चल्ने कालीगण्डकी करिडोर र दलदले धौवादी दुुबै सडक बन्द भएको छ । वर्षापछि आएको पहिरोले सडक अवरुद्ध भएको जिल्ला प्रहरी कार्यालय नवलपरासी पुर्वले जनाएको छ ।

कालीगण्डकी करिडोरको बुलिङटार गाउँपालिकाको राजवृक्ष, मचेडाँडा, गैंडाकोट नगरपालिकाको तरङ्गा खोलावारि पहिरो गएपछि बुधबार बिहानदेखि सडक अवरुद्ध भएको र सडक अवरुद्ध भएपछि यो बाटो भएर पाल्पा, स्याङ्जा चल्ने सबै यातायात बन्द भएको प्रहरीले जनाएको छ ।

दुुई दिन देखि परेको अविरल वर्षाका कारण कालीगण्डकी करिडोरको चार ठाउँमा र दलदले धौवादीको सात ठाउँमा पहिरो जानुुको साथै करिडोरको तरङ्गा खोलामा बाढी आउँदा यातायात पूर्ण रुपमा बन्द भएको जिल्ला प्रहरी कार्यालय नवलपरासी पुर्वका प्रहरी नायब उपरीक्षक बेदबहादुर पौडेलले बताए ।

गैंडाकोटबाट पहाडी बुलिङटार र बौदीकाली गाउँपालिका हुँदै पाल्पा रामपुुर राम्दी, स्याङ्जा चल्ने कालीगण्डकी करिडोर बुधबार बिहानदेखि र दलदले धौबादी हुँदै बुलिङटार जोड्ने पहाडी सडक भने चार दिन देखि नै अवरुद्ध भएको स्थानीय रामप्रसाद मरासिनीले बताए ।

वर्षाले पहिरो गए पछि आज बिहानदेखि पहाडी क्षेत्रमा यातायात अवरुद्ध हुुन पुुगेपछि यो बाटो भएर हिंड्ने यात्रुुहरुलाई समस्या आएको छ । गैडाकोट हुँदै बुलिङटारको कोटथर, डाँडाझेरी, बुलिङटार, अर्खला, भारतीपुर, मिथुकरम, डेढगाउँ, रकुवा, रुचाङ, नरम, जौवारी, धौबादी हुँदै पाल्पा, राम्दी सम्म चल्ने दुई वटा सडक एक दर्जन ठाउँमा पहिरो जाँदा अवरुद्ध बनाएपछि अब बाटो सुचारु हुन केही समय लाग्ने प्रहरीले जनाएको छ ।

दलदले धौवादी सडक खण्डको कुमसोत पाँग्रे, अर्खला, देवचुली लगायतका ठाउँमा पहिरो जाँदा अवरुद्ध बनेको र वर्षा निरन्तर भैरहेकाले बाटो मर्मतका लागि केही समय लाग्ने र पानी रोकिएपछि काम थाल्न सकिने देवचुलीे मोटरबाटो उपभोक्ता समितिका सल्लाहकार धर्म बस्यालले बताए ।

उता गैंडाकोट कालीगण्डकी मोटरबाटोमा पाँच ठाउँमा ठुलो पहिरो गएको र तरङ्ग खोलामा पुल बन्न नसक्दा खोला तर्न नै नसकिने भएकाले यातायात बिहानदेखि बन्द भएको लेकबेंसी यातायात प्रालिका अध्यक्ष युवराज बस्यालले बताए । यो रुटमा दैनिक दुई सय बढीको संख्यामा सवारी साधन गुडने् गर्दछन् थर अहिले बाटो बन्द भएपछि आवातजावत पूर्णरुपमा नै बन्द भएको गैंडाकोट ३ का वडाध्यक्ष शिवकान्त तिवारीले बताए ।