खोज

दाङ, ९ असोज ।

पूर्व–पश्चिम राजमार्गको लमही नगरपालिका –९ शिवखोलामा काठमाडौंबाट सुर्खेत जाँदै गरेको बस दुर्घटना भएको छ । कर्णाली प्रदेश ०२–००१ ख ०३६२ नम्बरको यात्रुबाहक बस आज (मंगलवार) बिहान ६ बजेतिर दुर्घटनामा परेको जिल्ला प्रहरी कार्यालय दाङका प्रहरी प्रवक्ता डिएसपी जनक बहादुर मल्लले जानकारी दिए । बसमा चालक सहित ४० जना यात्रु रहेकोमा २२ जना घाईते भएको र १८ जना सकुशल रहेको उनले जानकारी दिए ।

घाइतेहरुको पहिचान भएको छ । थप उपचारको लागि मेडिकल कलेज कोहलपुर, सैनिक अस्पताल राँझा बाँकेमा लगिएको छ । घाइते हुनेमा सुर्खेत बिरेन्द्रनगर नगरपालिका २ का ६८ वर्षीय गंगा देवी पुलामी, सोही ठाउँ निवासी निजको छोरा वर्ष ४० को खगेन्द्र पुलामी, सोही ठाउँ निवासी १९ वर्षीय पवन खत्री, सोही ठाउँका ३० वर्षका सुनाईल थापा, गाडी मालिक सुर्खेत विरेन्द्रनगर नगरपालिका –२ का ३६ वर्षका जितेन्द्र भट्टराई, बर्दिया गुलरीया नगरपालिका –६ बस्ने ३७ वर्षका तिलक सुनारलाई थप उपचारको लागि मेडिकल कलेज कोहलपुरमा लगिएको छ ।

त्यसैगरी सुर्खेत भेरी गंगा नगरपालिका ७ का ३८ वर्षका रखबिर बस्याल, सुर्खेत लेकबेसी –७ का २३ वर्षका शेरबहादुर रावत, दैलेख गुरासे –७ का २३ वर्षका प्रदिप बिसी, दैलेख डुल्लु –११ का ३९ वर्षका गणेश बहादुर शाही, दैलेख डुल्लु –११ का २२ वर्षका छविलाल बिकलाई सैनिक अस्पताल राँझा बाँके उपचारको लागि पठाईएको छ ।

त्यसैगरी सुर्खेत विरेन्द्रनगर नगरपालिका –१० का २४ वर्षका उमकुमारी हमाल, सोही स्थान निवासी २४ वर्षका भुपेन्द्र शाही, सोही स्थान निवासी ५४ वर्षका जगत जंग राना, सुर्खेत विरेन्द्रनगर नगरपालिका –१२ निवासी ५२ वर्षका मक्कबहादुर बुढा, दैलेख भैरवी गाउँपालिका –५ निवासी ५० वर्षका बिशाखर रिजाल, सोही ठाउँका २५ वर्षका कृष्णा आचार्य, दैलेख डुल्लु नगरपालिका –५ का ५१ वर्षका ऋषिप्रसाद उपाध्याय, सोही स्थानका ६८ वर्षका तेजेन्द्रनाथ योगी, दैलेख नारायणी नगरपालिका–१० का २८ वर्षका रविन्द्र हमाल, कालीकोट तिला गाउँपालिका –९ का ३२ वर्षका जीवन बिक, कञ्चनपुर भिमदत्त नगरपालिका –४ का ७ वर्षका सिमिया बोहोराको मेडिकल कलेज कोहलपुर बाँकेमा उपचारको लागि पठाईएको जिल्ला प्रहरी कार्यालय दाङका प्रहरी प्रवक्ता डिएसपी जनक बहादुर मल्लले जानकारी दिए । बस चालक सुर्खेत विरेन्द्रनगर नगरपालिका ३ का ३० वर्षीया कर्णबहादुर रोका मगरलाई प्रहरीले नियन्त्रण लिएर थप अनुसन्धान भैरहेको डिएसपी मल्लले जानकारी दिए ।