खोज

बुटवल, ७ असोज ।

रोटरी क्लव अफ बुटवलको १४ सय ८१ औं नियमित बैठक बुटवलमा सम्पन्न भएको छ । बैठकको एजेण्डा रोटरी इन्फर्मेशन रहेको थियो ।

त्यस अवसरमा रोटरीबारे जानकारी गराउँदै रोटरी डिष्ट्रिक ३२९२ का पुर्व डिष्ट्रिक सेक्रेटरी राजेन्द्र शाक्यले रोटरीको सबभन्दा चासो र प्राथमिकताको विषय मेम्बरसिप रहेको बताए ।
्
अहिले विश्व इतिहासमै रोटरी क्लवहरुको संख्या बढेको तर सदस्याहरुको संख्या भने घट्दै गएको भन्दै उनले यो चिन्ताको विषय भएको बताए । “रोटरीमा सदस्य बनाएर मात्र हुँदैन, टिकाउन सक्नुपर्छ, अहिलेको अवस्था हेर्ने हो भने छोड्ने क्रम बढिरहेको छ, यसतर्फ क्लवहरुले ध्यान दिनुपर्छ ।”

शाक्यले. रोटरीले आफ्नो मिसन र संगठन संरचनालाई एकसाथ अघि बढाउनुपर्नेमा जोड दिंदै त्यसमा पनि मिसन पहिलो प्राथमिकता हुनुपर्ने बताए । “तर अहिले रोटरीको मुख्य ध्यान मिसनतिर नभएर पदीय झैझगडामा अलमलिएको देखिएको छ, मिसनलाई पहिलो प्राथमिकतामा राखेर अघि बढ्न सक्दा मात्रै सदस्यहरुलाई टिकाउन सकिन्छ”–उनले भने ।

बैठकमा बोल्ने विभिन्न रोटरीयनहरुले रोटरीको मिसनबारे आम सदस्यलाई बुझाउन नसक्दा सदस्यता टिकाउन गाह्रो हुने गरेको भन्दै यसतर्फ सबैले ध्यान दिनुपर्नेमा जोड दिएका थिए ।

बैठकमा क्लवका अध्यक्ष करुण खनाल, पुर्व अध्यक्षहरु राजेन्द्र लम्साल, विन्ध्याकेशर जोशी, कृष्णप्रसाद अर्याल, रोटरी क्लव अफ बुटवलका पुर्व सचिव रोम शर्मा, अन्य रोटरीयनहरु मणिरत्न पाण्डे, तारानाथ भट्टराई, सुरज भट्टराई, रोटरी क्लव अफ लुम्बिनी सिद्धार्थनगरका निवर्तमान अध्यक्ष भोजबहादुर खत्री, आरसिसी भाटाका अध्यक्ष पुष्कर भुसाललगायतले आ–आफ्नो धारणा राखेका थिए ।

बैठकमा रोटरी क्लव अफ बुटवलका निवर्तमान सचिव लालहरि पाण्डेले क्लवले रेडक्रसलाई हस्तान्तरण गरेको ब्लड कलेक्शन मोवाइल भ्यान सञ्चालनका लागि भएको प्रगतिको पछिल्लो अवस्थाबारे जानकारी गराएका थिए । त्यस अवसरमा बैठकमा शतप्रतिशत उपस्थित जनाउने मणिरत्न पाण्डेलाई अवार्ड प्रदान गरिएको थियो ।