खोज

नेपालगञ्ज, ६ असोज । बाँकेको राप्ती सोनारी– ८ स्थित शिवशक्ति माविकी छात्रा रोजीना थारु प्रकृति र वन्यजन्तुबारे पहिलोपटक चित्र कोर्ने अवसर पाईन् । आफ्नै विद्यालयको अतिरिक्त क्रियाकलापमा भाग लिँदै आएकी रोजीना शुक्रवार बाँके राष्ट्रिय निकुञ्ज सुरक्षामा खटिएको अर्जुन बाण गणका सेनाले आयोजनाको चित्रकला प्रतियोगितामा वन्यजन्तु र मानवबीचको सहअस्तित्व झल्कने चित्र क्यानभासमा उतारेर उनले प्रथम पुरस्कार पनि प्राप्त गर्न सफल पनि भईन् । उनले निकुञ्ज मध्यवर्ति क्षेत्रमा बसोवास गर्दै आएपनि निकुञ्जबारे अध्ययन र सुरक्षामा खटिएका सेनासँग पहिलोपटक आफ्नो प्रतिभा देखाउन तथा सवालजवाफ गर्ने अवसर पाएको बताईन् । उनले भनिन् ‘प्रकृति र वनयजन्तु संरक्षणबारे हामीले जानकारी पाएर हाम्रा अभिभावक र छरछिमेकलाई पनि सिकाउन सक्छौं ।’
उनी जस्तै राप्ती सोनारी –८ स्थित भगवती आधारभूत विद्यालयका छात्र यमलाल कवँरले पनि मानव र वन्यजन्तुबारे चित्र मार्फत आफ्नो कला प्रस्तुत गर्ने अवर पाए, र दोस्रो पुरस्कार हात पारे । उनले पनि आफ्नो विद्यालयको अतिरिक्त क्रियाकलापमा फरक प्रतियोगिताको प्रतिस्प्रधा गर्दै आएकोमा पहिलोपटक निकुञ्जबारे आफूले जानेको कुरा चित्र मार्फत प्रस्तुत गर्न पाउँदा पुरस्कार शिव शक्ति मध्यामिक विद्यालयका छात्रा समिक्षा थारु र चौथो पुरस्कार भगवति आधारभूत विद्यालयका छात्रा वेसिना पुनले प्राप्त गरे ।
बाँकेको राप्ती सोनारी –८ अन्तर्गतका विद्यालयका छात्र छात्रालाई सहभागी गराएर बाँके राष्ट्रिय निकुञ्ज सुरक्षामा खटिएको नेपाली सेनाले प्रकृति र वन्यजन्तु संरक्षण तथा सुरक्षा सम्बन्धि चेतना अभिबृद्धिकालागि नयाँ अभ्यास थालेको हो । प्रकृति संरक्षण तथा वन्यजन्तुको सुरक्षाबारे जानकार भई जागरुक गराउने उद्देश्यले निकुञ्ज मध्यवर्ति क्षेत्र अन्तर्गत विद्यालयका निकुञ्ज सम्बिन्धित चित्रकला प्रतियोगिता तथा स्न्याप प्रश्न उत्तर कार्यक्रम गरेको बाँके राष्ट्रिय निकुञ्ज सुरक्षामा खटिएको अर्जुन बाण गणका गणपति प्रमुख सेनानी अशोक खड्काले जानकारी दिए । विद्यालयका छात्र छात्रालाई निकुञ्जको सुरक्षा र मध्यवर्ति क्षेत्रका स्थानियबासिन्दासँगको सम्बन्धबारे जानकारी दिनकोलागि अव यस्ता कार्यक्रम निरन्तर आयोजना गर्ने प्रतिबद्धता जनाए । कार्यक्रममा राप्ती सोनारी ८ अन्तर्गतका ५ वटा विद्यालयका १०९ जना छात्र छात्रालाई सहभागिता गराएको प्रमुख सेनानी खड्काले जाकारी दिए । साथै विद्यार्थीसँग कार्यक्रममा उपस्थित भएका शिक्षकहरुलाई सम्बन्धित विद्यालयको पुस्तकालयमा राखेर अध्ययनकालागि संरक्षणका क्षेत्रमा काम गरिरहेको विभिन्न संघ संस्थाको सहयोगमा निकुञ्ज र वन्यजन्तु संरक्षण सम्बन्धित पुस्तकहरु पनि उपलब्ध गराईएको थियो । प्रतियोगितामा विजेता छात्र छात्रालाई राप्ती सोनारी ८ का वडा अध्यक्ष शालिकराम डाँगी, बाँके राष्ट्रिय निकुञ्जका सहायक संरक्षण अधिकृत उत्तम चौधरी, मध्यवर्ति क्षेत्र ब्यवस्थापन समितीका अध्यक्ष गेहेन्द्र कुमार खड्कालगायतले पुरस्कार वितरण गरेका थिए । चित्रकला प्रतियोगिता तथा स्नायप प्रश्न उत्तर कार्यक्रमकालागि बाँके राष्ट्रिय निकुञ्ज कार्यालय तथा संरक्षण साझेदार संस्थाहरु जेडएसएल नेपाल, हिमालयन नेचर, तराई भुपरिधि कार्यक्र ताललगायतले सहकार्य गरेका थिए ।