© २०२३
६ पुष २०८२, आइतबार
६ पुष २०८२, आइतबार
बर्दघाट, २ असोज ।
बर्दघाट नगरपालिकाले कक्षा ११ र १२ लाई दिउँसोमा सँचालन गर्न दिएको निर्देशनप्रति निजी तथा आवासीय विद्यालय अर्गनाइजेशन नेपाल (प्याब्सन) बर्दघाट नगरले आपत्ति जनाएको छ ।
प्याब्सन बर्दघाट नगरले पत्रकार सम्मेलनको आयोजना गरी असन्तुष्टि जनाएको हो । तत्काल लागू हुने गरी नगरले दिएको निर्देशनलाई कार्यान्वयन गर्न कठिन रहेको बताएको हो । देशका अन्य क्षेत्रमा विहानी सत्रका कक्षा सँचालन भइरहेको तर बर्दघाट नगरले दिवा सत्रमा सँचालन नगरे अनुमति खारेज गरिनेछ भनेर धम्कीपूर्ण निर्देशन दिनु शैक्षिक क्षेत्रमा सँस्थागत विद्यालयले गरेको योगदानको अवमूल्यन भएको प्याब्सन बर्दघाटका अध्यक्ष सँजय ढुँगानाले बताए ।
हाल विहानी सत्रमा कक्षा सँचालन हुँदा पाठ्यभार अनुसारको पाठ्यघण्टा नै मिलाइ स्थानीय स्तरमै अध्ययन गर्ने अवसर प्रदान गर्दै आइरहेका विद्यालयहरुलाई नगरले दिएको निर्देशनले निरुत्साहित गरेको प्याब्सन निवर्तमान अध्यक्ष इन्द्र बहादुर गुरुङ्गले बताए । सँस्थागत विद्यालयहरुले शैक्षिक क्षेत्रमा पु¥याएको योगदानलाई विश्लेषण गर्दै निर्देशनात्मक कदम चाल्नुपर्ने प्याब्सन पदाधिकारीको भनाइ थियो ।
© २०२३
सर्वाधिकार सुरक्षित
Design & Developed By:
