© २०२३
२० मंसिर २०८२, शनिबार
२० मंसिर २०८२, शनिबार
सुर्खेत, ३१ भदौ ।
कर्णाली प्रदेश अस्पतालमा एक सुत्केरी महिलाको मृत्यु भएको छ । वीरेन्द्रनगर नगरपालिका–४ बस्दै आएकी वर्ष ३० कि जानकी रेग्मी अधिकारीको आज प्रदेश अस्पतालमा मृत्यु भएको हो ।
शल्यक्रिया गरिसकेपछि अस्पतालमै मृत्यु भएको उनका ससुरा तिलक अधिकारीले जानकारी दिए । जानकी भदौ २९ गते अस्पतालमा भर्ना भएकी थिइन् । अस्पतालमा भर्ना पश्चात उनले शुक्रबार नै प्रसूति वार्डमा छोरा जन्माएकी थिइन् । छोरालाई दूध समेत खुवाएकी थिइन् । सोही वार्डमा एक्कासी बेहोस भएकी उनलाई आइसियुमा राखियो । शनिबार उनलाई अस्पतालले मृत घोषणा गरेको छ ।
बच्चा जन्माएको २४ घण्टामा सुत्केरीको मृत्यु हुनु अस्पतालको लापरबाही प्रमुख कारण रहेको मृतकको परिवारको दावी छ । यता अस्पतालका सूचना अधिकारी विनोद बस्नेतले भने घटनाको विषयमा समीक्षा हुन लागेको बताए । यद्यपि कारणबारे भने उनले आफूलाई जानकारी नरहेको बताए । समीक्षापछि मात्र घटनाबारे थाहा हुने उनको भनाई छ ।
© २०२३
सर्वाधिकार सुरक्षित
Design & Developed By:
