Butwal Today

६१ किलो सुन तस्करीमा संलग्नविरुद्ध आज मुद्दा दर्ता हुंदै,३ अर्ब ५० करोड बढीको बिगो मागदाबी

न्युज बुटवलटुडे
३१ भाद्र २०८०, आइतबार
अ
अ+
अ-

बुटवल,३१ भदौ । करिब ६१ किलो सुन तस्करी प्रकरणमा जिल्ला सरकारी वकिलको कार्यालय काठमाडौंले आज मुद्दा दर्ता गर्ने भएको छ।

प्रहरीबाट प्राप्त भएको अनुसन्धान प्रतिवेदनको अध्ययन सकाएर आज जिल्ला अदालतमा मुद्दा दर्ता गर्न लागिएको कार्यालय प्रमुख एवं सहन्यायधिवक्ता अच्युतमणि नेउपानेले जानकारी दिए। पछिल्लो ११ महिनामै करिब ३ सय ६३ केजी सुन तस्करी गरेको अभियोगमा पक्राउ परेका ३२ र फरार १८ लाई प्रतिवादी बनाएर सीआईबीले ३ अर्ब ५० करोड बढीको बिगो मागदाबीसहित मुद्दा चलाउन राय दिएको छ ।

उनीहरुविरुद्ध संगठित अपराध, सुन चोरी पैठारी, राष्ट्र बैक ऐन, नेपाल नागरिकता ऐन, राहदानी ऐन, अध्यागमन ऐन अनुसार कारबाही चलाउन सिआइबीको सुझाव छ। पक्राउ पर्नेमा ९ जना विदेशी नागरिकसहित भन्सार कर्मचारी, भन्सार एजेण्टसहित रहेका छन्। ५ जना चिनियाँले काभ्रे र काठमाडौंबाट नेपाली नागरिकता र राहदानी पनि बनाएको पाइएको छ।

बे्रक सुसहित हङकङबाट नेपाल भित्रिएको सुन गत साउन २ गते राजस्व अनुसन्धान विभागले सिनामंगलबाट बरामद गरेको थियो। विभागले १९ दिन अनुसन्धान गरी थप अनुसन्धानको जिम्मा सिआइबीलाई दिएको थियो।

सम्बन्धित खबर

चुनौती बन्दै बैंकिङ प्रणालीमा थुप्रिएको रकम

लुम्बिनीका व्यवसायीको सुझाव- स्वदेशी उद्योगमैत्री बजेटदेखि नीतिगत सुधारसम्मको अपेक्षा

नेप्से परिसूचकमा सामान्य अङ्कको सुधार

एक तोला सुनको मूल्य ३ लाख १८ हजार ८ सय

गण्डकीका ३५ सहकारी खारेज 

नेप्से परिसूचक ४२ अङ्कले घट्यो

सुनको मूल्य इतिहासकै उच्च विन्दुमा

चुनावी माहोलसँगै सेयरबजारमा उत्साह, नेप्से ५७ अंकले बढ्यो