खोज

चन्द्रौटा(कपिलवस्तु), २३ भदौ ।

प्रेस चौतारी नेपालका केन्द्रीय सचिव प्रदिप आचार्यले पत्रकारिता क्षेत्रलाई मजबुत बनाउन कलम चलाउन आवश्यक रहेको बताएका छन् । प्रेस चौतारी नेपाल कपिलवस्तुले जितपुर ४ नम्बरमा शनिबार आयोजना गरेको एक कार्यक्रमलाई सम्बोधन गर्दै आचार्यले यस्तो बताएका हुन् ।

यतिबेला समाजलाई खोजमूलक पत्रकारिता जरुरी रहेकोले चौतारीले प्राथमिकतामा राख्नुपर्नेमा उनले जोड दिए । पछिल्लो देशको राजनीति अवस्थासँग साँढेर अन्य संगठनले चपेटामा पारेको बताए । पेशागत संगठनमा विगतमा भएका कमिकमजोरीलाई सुधार गरेर अघि बढ्न आवश्यक रहेको उनको भनाई छ ।

पत्रकारिता जगतका समसमायिक विषयमा छलफल गर्दै चौतारीमा आबद्ध सञ्चारकर्मीहरुलाई नियमित कलम चलाउन आग्रह समेत उनले गरे । लुम्बिनी प्रदेश ईन्चार्ज समेत रहेका केन्द्रीय सचिव आचार्यले विभिन्न पेशागत संगठनहरुले घेराबन्दीमा राखेर प्रहार गरेको स्मरण गर्दै सचेत भएर अघि बढ्न जरुरी रहेको उनले उल्लेख गरे । समुदायमा भए गरेका हरेक गतिविधीलाई सत्यतथ्यमा आधारित समाज सकारात्मक परिवर्तन हुनेगरी सूचना, समाचार सम्प्रेसण गर्नुपर्ने आचार्यले बताए ।

केहि समय यता पत्रकारिता क्षेत्रमा विश्वासनियता घट्दै गएको प्रति चिन्त व्यक्त गर्दै सञ्चारमाध्यम र पत्रकारप्रति आम नागरिकको विश्वासनियता बढाउन चौतारीले ठोस योजनासहित अगाडी सर्न सबैको सहकार्य आवश्यक रहेको जिकिर आचार्यले गरे । यसैबीच नेकपा एमाले कपिलवस्तु जिल्ला अध्यक्ष डम्मर शर्माले पत्रकारले पेशा संगठन बाहेक अन्य राजनैतिक दलमा आबद्ध हुँदा सामाजिक इस्सू उठान गर्न नसक्नु पत्रकारिता जगतको भूल रहेको औँल्याए ।

जुनसुकै संस्थाले गरेका सामाजिक योगदान लगायत सामजिक इस्सुहरुका विषयहरु सञ्चारकर्मीलाई उठान उनले आग्रह गरे । नव नियुक्त चौतारीका कपिलवस्तु ईन्चार्ज टि. आर. शर्मालाई चौतारी नेपाल कपिलवस्तु शाखाले स्वागत तथा सम्मान गरेको चौतारीले जनाएको छ । भित्रिँदै गरेको तीजको शुभकामना अदानप्रदान समेत गरिएको थियो । त्यसैगरी प्रेस चौतारीका कपिलवस्तु अध्यक्ष जानु पाण्डे, ईन्चार्ज. शर्मा, पावर्ती पाण्डे, चौतारीका लुम्बिनी प्रदेश सदस्य शरद अधिकारी, कमल बिष्ट, भेषराज पाण्डे लगायतले विगतका गतिविधीबारे समिक्षा गर्दै कार्यक्रमलाई सम्बोधन गरेका थिए ।