खोज

पाल्पा, २४ भदौ ।

गौहत्याको विरोधमा आइतवार तानसेनमा शान्तिपूर्ण ¥याली निकालिएको छ । विश्व हिन्दु महासंघ पाल्पा र ॐकार परिवारले गौ हत्याको विरोधमा ¥याली निकालेको हो । गौ वंशका हत्यारा र धर्मान्तरण गराउने अपराधीहरुलाई शीघ्र नियन्त्रणमा लिएर कडा कारवाहीको माग गर्दै दवाबमूलक शान्तिपूर्ण ¥याली निकालिएको महासंघका जिल्ला अध्यक्ष कमल पौड्यालले बताए । राज्यको संविधानले संरक्षण गरेको गौ वंश बधले संविधानको मर्यादा खुलेआम उल्लंघन हुँदा सरकार मुकदर्शक हुनु दुःखद् भएको भन्दै आफुहरु शान्तिपूर्ण आन्दोलनमा उत्रिएको अध्यक्ष पौड्यालले बताए ।

गाई काट्नु र संविधान जलाउनु एउटै भएको सामाजिक सद्भाव कायम राख्नका निम्ति धार्मिक र्याली निकालिएको कार्यक्रममा सहभागीहरुले बताएका छन् । संविधानमै गाईलाई राष्ट्रिय जनावरको मान्यता दिएको अवस्थामा खुलेआम गौ हत्या गर्नेलाई कानुनी दायरामा ल्याउनु पर्ने र्यालीमा सहभागीले माग गरेका छन् । ९० प्रतिशत हिन्दुहरु भएको राज्यमा कि त हिन्दुहरुको माग सम्वोधन हुनुपर्यो कि त संविधान अनुसार राज्यका अंगहरु संचालन हुनुपर्ने सहभागीहरुले जोड दिएका छन् ।

‘संविधान अनुसार देश चल्नुु पर्छ, हामीले केही लाद्न खोजेका छैनौं, सबै जातजाति, लिंग, धर्मको देश हो, कसैले कसैलाई अपमान गर्न नहुने र्यालीमा सहभागी धार्मिक नेताहरुको जोड रहेको छ । र्यालीपछि आयोजित धार्मिक सभालाई धार्मिक अभियान्ता अविशेख जोशी, बाबा योगीराज लगायतका धार्मिक व्यक्तिहरुले सम्वोधन गरेका थिए । धार्मिक र्याली तानसेन टुडिखेलबाट शुरु भई भिमसेन टोल, नारायणस्थान, अशनटोल, शित्तलपाटी, भगवतीटोल, टक्सार, सिल्खान, हुलाक चोकमा आई कोणसभामा परिणत भएको थियो । शान्तिपूर्ण सद्भाव ¥यालीमा सहभागीहरुले गौ वंश हत्याको भत्र्सना गरौं, हिन्दु राष्ट्र नेपाल कायम गरौं, संवैधानिक कानुुनको पालना गर, सामाजिक सद्भाव कायम गरौं लगायतका नारा लगाएका थिए ।