खोज

बुटवल, १९ भदौ । पटक पटक समय सार्दै मतदान धकेलिएको नेकपा एमाले लुम्बिनीको प्रथम अधिवेशन अन्तर्गत नेतृत्व चयनका लागि आज बिहान ८ बजेबाट मतदान हुने निश्चित भएको छ । २ दिनका लागि निर्धारित अधिवेशन सहमति जुटाउने नाममा लम्बिएर चौथो दिनमा आइपुग्दा प्रतिनिधिहरु रुष्ट हुन थालेका छन् ।
सोमबार सांझदेखि शुरु गर्ने भनिएको मतदान अन्तिम समयमा स्थगित भएपछि आज बिहानबाट शुरु गरिने भएको छ । अध्यक्षका उम्मेदवार राधाकृष्ण कंडेलको पक्षमा निकै राम्रो माहोल देखिएपछि अर्को पक्षले प्रशासनलाई भनेर रातिको समयमा चुनाव नगर्न दबाब दिएर स्थगित गराएको कंडेल पक्षका प्रतिनिधिको दावी छ ।
यद्यपि निर्वाचन समितिका प्रमुख हरिप्रसाद भण्डारीले रातिको समयमा मतदान गराउंदा राम्रो सन्देश नजाने भएकाले सोमबार रातिका लागि तय भएको मतदान अन्तिम समयमा आएर स्थगित गर्नुपरेको बताए । सर्वसम्मतको प्रयास असफल भएपछि अध्यक्षका उम्मेदवारहरु राधाकृष्ण कंडेल र हरिप्रसाद रिजालले पदाधिकारीमा प्यानल नै बनाएर निर्वाचनमा जान लागेका छन् । ‘आज बिहान ८ बजेभित्र मतदान शुरु गराउंछौं–निर्वाचन समिति प्रमुख भण्डारीले भने ।
एमालेको २०५ सदस्यीय प्रदेश कमिटी अध्यक्षमा पाल्पाका राधाकृष्ण कंडेल र प्युठानका हरि रिजाल उम्मेदवार छन् । उपाध्यक्षमा रुपन्देहीका भोजप्रसाद श्रेष्ठ र विश्वराज बराल ९अनुप०, बाँकेका पुजन विश्वकर्मा र रोल्पाका शान्तकुमार वली छन् । सचिवमा दाङका लक्ष्मण आचार्य निर्विरोध भएका छन् ।
उपसचिव पुरुष तर्फ एक पदका लागि रुकुम पूर्वका उपेन्द्रलाल कामी, रोल्पाका पूर्ण बुढामगर र बाँकेका दुर्गाप्रसाद थारु ९चौधरी० छन् । त्यस्तै उपसचिव महिला तर्फ एक पदका लागि बाँकेकी आरती पौडेल, बसन्ती अधिकारी र बर्दियाकी लिला राना मगर छन् ।

उम्मेदवारी दिएकामध्ये कँडेल प्यानलबाट उपाध्यक्षमा रुपन्देहीका भोजप्रसाद श्रेष्ठ र सहसचिव पुरुषमा दुर्गाबहादुर चौधरी र महिलामा लिला राना मगर रहेका छन् । त्यस्तै रिजाल प्यानलबाट उपाध्यक्षमा रुपन्देहीका विश्वराज बराल, उपसचिव पुरुष तर्फ रोल्पाका पूर्ण बुढामगर र महिला तर्पm बाँकेकी बसन्ती अधिकारी छन् । सचिव दुवै प्यानलको समर्थनमा निर्विरोध भएका हुन् ।

पदाधिकारमा ५ पदका लागि १३ जनाको उम्मेदवारी परेको छ । उपाध्यक्षमा प्यानल बाहिरबाट बाँकेका पुजन विश्वकर्मा र रोल्पाका शान्तकुमार वलीले उम्मेदवारी दिएका छन् । त्यस्तै उपसचिव पुरुषमा रुकुम पूर्वका उपेन्द्रलाल कामी र महिला उपसचिवमा बाँकेकी आरती पौडेलले प्यानल बाहिरबाट उम्मेदवारी दिएका छन् ।

२ सय जना सदस्यका लागि ३ सय ५ जनाले उम्मेदवारी दिएका छन् ।
२ सय जना सदस्यका लागि ३ सय ५ जनाले उम्मेदवारी दिएका छन् । १६ र १७ गतेका लागि तोकिएको अधिवेशन दुई दिनसम्म लम्बिएपछि प्रतिनिधिहरु रुष्ट भएका छन् ।