खोज

बुटवल, १८ भदौ ।

लुम्बिनी प्रादेशिक अस्पताल विकास समितिका अध्यक्ष अजयमान श्रेष्ठले सबैको सामूहिक पहलबाट अस्पतालको विकास तथा स्तरोन्नती सम्भव भएको बताएका छन् । सामूहिक पहलले मात्रै अस्पताल नमूनाको रुपमा विकास हुन सक्ने उनले बताए । अस्पतालमा सेवाग्राहीको चाप बढ्दै गएपनि सीमित जनशक्ति र स्रोत साधनले सेवा प्रदान गर्न कठिनाई भैरहेको उल्लेख गरे । सेवाग्राहीको चापसँगै १५ सय बढी जनशक्ति आवश्यक पर्ने अस्पतालमा ७ सय कर्मचारीले सेवा दिनुपर्दा समस्या भैरहेको उल्लेख गरे ।

अस्पतालको कर्मचारी युनियनका नयाँ निर्वाचित पदाधिकारीलाई स्वागत गर्दै अध्यक्ष श्रेष्ठले उनीहरुको समस्या समाधानका लागि अस्पताल प्रशासन गम्भीर रहेको उल्लेख गरे । प्रदेश सरकारले प्रयाप्त बजेट व्यवस्था नगर्दा कर्मचारीको व्यवस्थापन, उनीहरुको सेवा सुविधा तथा सेवाग्राहीलाई स्तरीय सेवा प्रदान गर्न कठिनाई भएको उल्लेख गरे ।

स्वागत कार्यक्रममा बोल्दै लुम्बिनी प्रादेशिक अस्पताल विकास समिति कर्मचारी युनियनका अध्यक्ष तिलक गौतमले अस्पतालका सबै काममा कर्मचारी युनियनको साथ सहयोग रहेको र निरन्तरता रहने बताए । उनले बिकास समितिका कर्मचारीहरुको लामो समयदेखि विभिन्न समस्या रहेको र त्यसलाई समाधान गर्न अध्यक्षसँग आग्रह गरे ।

कर्मचारी युनियनका सचिव दिपेन्द्र पौडेलले अस्पतालको ईमेर्जेन्सी गाईने ओपीडी ईएचएसमा उपचारमा समस्या रहेकोले विकास समितिले त्यसलाई समाधान गर्न लाग्नु पर्ने बताए । त्यस्तै सह सचिव ईन्द्र राईले कर्मचारीको संचयकोष, दरबन्दी वृद्धि लगायतका कुरमा ध्यान दिन विकास समितिलाई आग्रह गरे । स्वागत कार्यक्रममा उपाध्यक्ष कमल लामिछाने, भगवती पाण्डे लगायले बोल्दै अस्पतालको विकासमा सबैले हातेमालो गर्नुपर्ने बताएका थिए ।