खोज

बुटवल, १६ भदौ । राष्ट्रिय प्रजातन्त्र पार्टीका अध्यक्ष राजेन्द्र लिङदेलले देशमा अहिले चलेको आन्दोलन हिन्दु राज्य पुनःस्थापनामा पुगेर टुङयाउनुपर्ने बताएका छन । बुटवलमा गोरक्षा बृहत्त शान्ती रयालीलाई सम्बोधन गर्दै उनले हिन्दु राष्ट्र पुनस्थापना र गौमाताको रक्षाको मुद्या राप्रपाले मात्र उठाउदै आएको बताए । धर्मनिरपेक्षताको नाममा हिन्दु समाजलाई अपमानित गर्ने काम भएको भन्दै उनले यसको बिरुद्ध जागरण आउनु सकारात्मक भएको बताए । नेपालमा ८१ प्रतिशत भन्दा धेरै मानिसहरु जन्म, कर्मले हिन्दु, ९ प्रतिशतभन्दा बढी बुद्ध धर्म र ३ प्रतिशत किरात धर्ममा विश्वास राख्नेहरु बसोबास गर्ने रहेको भन्दै ओमकार परिवार सधै एकजुट भएर लाग्नुपर्ने बताए । देशभर जागरणमा अभियानमा आफुहरुको एकवद्धता रहेको बताए ।

कोणसभामा राप्रपाका उपाध्यक्ष रबिन्द्र मिश्रले देशमा हिन्दु राष्ट्र हुदा आफनै परिचय भएको र कुनै धार्मिक विभाजन नदेखिएको दाबी गरे । नेपालमा भएको राजनीतिक परिवर्तनको समयमा कुनै पनि कुनै समझदारी वा सम्झौतामा हिन्दु राज्य खारेज गर्ने र हिन्दु धर्मनिरपेक्ष बनाउने कुरा नरहेको दाबी गर्दै देशमा जातीय द्धन्द्ध सृजना गर्ने गलत मनासाय राख्न नहुने बताए ।

कोणसभामा ज्ञानेन्द्र शाहीले नेपालमा ९४ प्रतिशत बैदिक हिन्दु सनातन बसोबास गर्ने देशलाई हिन्दु राष्ट्र देश नेपाललाई धर्मनिरपेक्ष बनाएको प्रति सन्तुष्ट नभएको बताए । विश्वका धेरै धार्मिक राष्ट्रहरुको उदाहरण दिदै उनले हिन्दु धर्मावलम्बीहरु रहेको देश भएको भन्दै धर्मनिरपेक्षताको केही अराजतक तत्वहरु गौमाताको हत्याको विषय गलत भएको बताए । उनले अरुको धर्मको बिरोध नगर्ने तर हाम्रो धर्ममाथि धावा बोले खम्बा बनेर उभिने बताए । सडकमा रहेका गौमातालाई ब्यवस्थापनमा आफुहरु लाग्ने उनले प्रतिवद्धता जनाए ।

बुटवलको राजमार्ग चौराहबाट निस्केको शान्ती रयालीमा सहभागीहरुले गौहत्या बन्द गर, हिन्दु राष्ट्र कायम गर भन्ने नारासहित मिलनचोक, बसपार्क, अस्पताल लाईन हुँदै ट्राफिक चोकमा पुगेर कोण सभामा परिणत भएको थियो । कोण सभामा विश्व ज्योतिष महासंघ लुम्बिनी प्रदेशका अध्यक्ष जनार्दन न्यौपानेले हिन्दु विरोधीहरु होसियार रहन आग्रह गरे । साथै उनले गौहत्या बन्द गर्न र देशलाई हिन्दु राष्ट्र कायम गर्न माग समेत गरे ।