खोज

बुटवल,१६ भदौ । सभामुख देवराज घिमिरेले एमसिसी र बिआरआईबाट नेपालले देशको हीत हुनेगरी लाभ लिन सक्नुपर्ने बताएका छन्।

शनिबार काठमाडौंमा आयोजित एक कार्यक्रमलाई सम्बोधन गर्दै उनले यस्तो बताएका हुन्।

उनले अमेरिकाको आर्थिक सहयोग परियोजना एमसिसी र चीनको ‘बेल्ट एण्ड रोड इनिसिएटिभ’९बिआरआई० बाट देशको हीत हुनेगरी लाभ लिन सक्नुपर्ने बताए।

उनले सरकारले राष्ट्रियतालाई पहिलो प्राथमकिता दिँदै यी मुलुकबाट हुने फाइदा कसरी धेरै लिने रु भन्नेबारेमा गम्भीरतापूर्वक सोच्नुपर्नेमा जोड दिए।

सभामुख घिमिरेले भने– ‘अमेरिकाले एमसिसी लगायतका कार्यक्रमहरू बिस्तार गरेर नेपालजस्ता पछि परेका मुलुकहरूलाई सहयोग गर्ने कोसिस गरिरहेको छ। त्यसरी नै बिआरआई प्रोग्रामअन्तर्गत जनताको जीवनलाई सरल बनाउने र त्यस्ता मुलुकलाई सहयोग गर्ने ढंगबाट चीनले प्रोग्रामहरू लिएर आइरहेको छ।

नेपालले यी दुईवटै प्रोग्रामहरूबाट नेपाली जनताको हीतमा कसरी जानेरु नेपाल राष्ट्रका राष्ट्रियतालाई पहिलो प्राथमकिता दिँदै यी मुलुकबाट हुने फाइदा कसरी लिनसक्छरु यो एउटा प्रतिष्पर्धात्मक अवस्थामा हामीले गम्भीरताका साथ लिनुपर्ने बेला आएको छ।’

उनले दुई ठूला देशबाट नेपालले फाइदा उठाएर अघि बढ्न जरुरी रहेको बताए।

पञ्चायती व्यवस्थालाई अन्त्य गरी अहिलेको लोकतान्त्रिक, संघीय सभावेशी संविधान ल्याएको र संविधानले परिकल्पना गरेको समाजवादी आधार निर्माण गर्ने उद्देश्यका साथ काम गरिरहेको उनको भनाइ छ।