Butwal Today

लिपुलेक, लिम्पियाधुरा र कालापानी भारतमा पारेर नयां नक्सा निकालेको भन्दै बालेनले गरे चीन भ्रमण वहिस्कार

न्युज बुटवलटुडे
१४ भाद्र २०८०, बिहीबार
अ
अ+
अ-

काठमाडौं,१४ भदौ । नेपाली भूभाग लिपुलेक, लिम्पियाधुरा र कालापानीलाई नेपालबाट हटाएर भारतमा पारेर चीनले नयां नक्सा निकालेको भन्दै काठमाडौं महानगरपालिकाका मेयर बालेन शाहले आजदेखि हुने तय भएको उनको चीन भ्रमण वहिस्कार गरेका छन् । नेपाली भूभागलाई चीनले नेपाललाई नै नसोधी भारतको देखाउनु हाम्रो संवेदनशीलतामाथि चालेको गलत कदम भन्दै चीनको निमन्त्रणामा हुंदै गरेको ५ दिने भ्रमण नैतिकताको आधारमा नजाने निर्णय गरेको बालेननले बताएका छन् । सामाजिक सञ्जालमा पोष्ट गर्दै उनले लेखेका छन् –
‘हामी नेपालले २०७७ साल जेठ ७ मा लिपुलेक, लिम्पियाधुरा र कालापानीलाई समेटेर नयाँ चुच्चे नक्सा निकालेका थियौं ।
केही दिन पहिले चीनको प्राकृतिक स्रोत मन्त्रालयले उक्त स्थानलाई हटाएर पहिलेको बुच्चे नक्सालाई कायम गरेर नेपालको नक्सा सार्वजनिक गरेको छ ।
नेपाली भूभागलाई चीनले नेपाललाई नै नसोधी भारतको देखाउनु हाम्रो संवेदनशीलतामाथि चालेको गलत कदम मानेका छौ ।
त्यसैले आज मेरो, चीनको निमन्त्रणामा हुदैगरेको ५ दिने भ्रमण नैतिकताको आधारमा नजाने निर्णय गरेको छु ।’
बालेनको यस कदमलाई धेरैले राम्रो भनेका छन् भने कतिपयले चीनमै गएर यो विषय राखेको भए राम्रो हुने सुझाव सामाजिक सञ्जालमा राखेका छन् ।

सम्बन्धित खबर

इन्डोनेसियामा पहिरोका कारण मृत्यु हुनेको सङ्ख्या ३४ पुग्यो, दर्जनौँ अझै बेपत्ता

अर्को युद्धपोत समूह इरानतिर अघि बढिरहेको छ : ट्रम्प

भारतमा निपाह भाइरसका दुई सङ्क्रमण, अवस्था नियन्त्रणमा

मेक्सिकोको फुटबल मैदानमा सशस्त्र आक्रमण, ११ जनाको मृत्यु

फ्रान्समा १५ वर्षमुनिका बालबालिकामाथि सामाजिक सञ्जाल प्रतिबन्धको तयारी तीव्र

विश्व स्वास्थ्य सङ्गठनबाट अमेरिका औपचारिक रूपमा बाहिरियो

जापानका पूर्वप्रधानमन्त्री आबेको हत्या गर्ने व्यक्तिलाई आजीवन कारावास

दक्षिण कोरियाका पूर्वप्रधानमन्त्री हान डकसुलाई २३ वर्ष जेल सजाय