खोज

बुटवल, १४ भदौ । रक्षा बन्धन आम नागरिकले मनाउनुको धार्मिक र सास्कृतिकमहत्व बुझाउने गरि बुटवलमा अलौकिक रक्षा बन्धन महोत्सव गरिएको छ । बह्मकुमारी ईश्वरीय विश्वविद्यालय एवं राजयोग प्रशिक्षण केन्द्र नेपाल, क्षेत्रीय कार्यालय बुटवलको आयोजनामा विहिबार बुटवलमा अलौकिक रक्षा बन्धन महोत्सव सम्पन्न भएको हो ।

कार्यक्रममा केन्द्र नेपालका उपाध्यक्ष तथा सहनिर्देशक कमला दिदिले रक्षा बन्धनको महत्वपारे प्रकाश पार्दै धार्मिकमात्र नभई नैतिक र बैज्ञानिक रुपमा पनि आजको दिनको महत्व रहेको बताईन । आसुरी शक्तिबाट बचाउने रुपमा बन्धनमा बाधिने पवित्र दिन रक्षा बन्धन भएको भन्दै जनै बाध्नु बन्धनमा बाधिनु हो र मानिस अरु बन्धनमा बाधिन नचाहेपनि यो बन्धनप्रति भने मोह रहेको बताईन । ‘यो दिनको विशेष महत्व यसकारण पनि छ ।’—उनले भनिन । हाम्रो समाजमा रहेका राम्रा संस्कार, संस्कृतिलाई अंगाल्दै मानव कल्याण बिरुद्धका गलत गतिविधिहरु त्याग्न सुझाव दिईन । भगवानको पुजापाठ, घण्टी बजाउदामात्र धर्म नहुने तर्क दिदै उनले मानव सेवा र राम्रो कर्म गर्नु नै वास्तवमा धर्म भएको उनले बताईन । युग अनुसार मानव सत्कर्म गर्दै अघि बढ्नुपर्ने बताईन ।

स्नेह बाहिनी, शक्ति दा दायिनी मन भावनी परमात्मा प्रेमको वरदानी दाजुभाई र दिदी बहिनीहरु बिचको पवित्र आत्मिय स्नेह एवं रक्षाको सुचक रक्षा बन्धनको उपलक्ष्यमा कार्यक्रम गरिएको क्षेत्रिय कार्यालय बुटवलका सचिव नारायणले बताए ।

यसैगरि कार्यक्रममा माउण्ट आबुबाट ल्याइएको विशाल रक्षा सुत्र प्रदर्शन र सम्पुर्णलाई धारणका लागि समेत परमपिता परमेश्वरको आकृतिसहितको रक्षा बन्दन उपलब्ध रहेको थियो । सो कार्यक्रममा कमला दिदिले पुर्वमन्त्री छबिलाल विश्वकर्मा, भोजप्रसाद श्रेष्ठ, बुटवल उपमहानगरपालिका नगरप्रमुख खेलराज पाण्डेय, उपप्रमुख सावित्रा देवि अर्याल, बुटवलका उद्योगपति, ब्यापारी तथा सर्वसाधारणहरुलाई रक्षाबन्धन बाधिन । ब्रहमकुमारी बिमला बहनले मानव जीवनमा धर्मको महत्वबारे प्रकाश पारिन ।

भिडियो सामग्री