पाल्पा, ९ भदौ ।
नेपाल सरकारले जिल्लाको युनाइटेड मिसन अस्पताल र लुम्बिनी मेडिकल कलेजलाई स्वास्थ्य बिमा कार्यक्रमबाट हटाएकोमा सेवाग्राहीहरु मर्कामा परेका छन् ।
सरकारले स्वास्थ्य बिमा कार्यक्रम लागु गरेपछि यस जिल्लाको कुल जनसंख्यको ८० प्रतिशत स्वस्थ्य बिमा कार्यक्रममा जोडिएका थिए । सरकारी स्वास्थ्य संस्थामा प्रयाप्त मात्रामा औषधी नहुनु, विशेषज्ञ सेवा नहुनु जस्ता कारणले गर्दा बिमितहरुले मिसन अस्पताल र लुम्बिनी मेडिकल कलेजलाई उपचार केन्द्र बनाएका थिए ।
सानो रकमबाट परिवारकै औषधी उपचार गर्न सहज भएको थियो । तर सरकारले मिसन अस्पतालबाट सेवा प्रवाह बन्द भएपछि विमितहरुलाई थप समस्या परेको तानसेन बजारकी मिना कार्की बताउँछिन् ।
केहीदिन अगाडि बिमा बोडले रकम भुक्तानी नगरेको भन्दै बिमा कार्यक्रम कार्यन्वयन गर्न नसकिने भन्दै मिसन अस्पतालले सेवा बन्द गर्ने चेतावनी दिएको थियो । सरकारले रकम भुक्तानी गर्ला भन्ने ठुलो आशा थियो तर रकम भुक्तानी गर्नुको सट्टामा बिमा बोडले सुचना नै प्रकाशित गरी बिमा कम्पनीबाट हटाएको भन्ने खबरले बिमितहरुलाई चिन्तित तुल्याएको सरोकारवालाहरुको भनाई छ ।
लुम्बिनी मेडिकल कलेजमा भने गतवर्ष देखि नै स्वास्थ्य बिमा कार्यक्रम रोकिएको थियो । मिसन अस्पतालले गत साउनको अन्तिम साताबाट बिमा कार्यक्रम लागु नगर्ने गरी बन्द गरेको थियो ।
मिसन अस्पतालले भने लामो समयदेखि बिमा बोडबाट रकम भुक्तानी हुन नसक्दा अस्पतालमा कार्यरत कर्मचारीको तलव, औषधी खरिद, दैनिक प्रशासनिक कार्य संचालनका लागि समस्या परेको भन्दै पटक पटक रकम भुक्तानीका लागि बिमा बोड समक्ष लिखित जानकारी गराउँदा सम्म बेवास्ता गरेका कारण वाध्य भएर सेवा बन्द गर्न परेको अस्पताल प्रशासनले जनाएको छ ।
स्वस्थ्य बिमा बोडले पाल्पाली जनताप्रति अन्याय गरेको हो । बिमा बोडले बिमा कार्यक्रम लागु भएको स्वस्थ्य सस्थाहरुको अनुगमन नगर्दा पनि समस्या उत्पन्न भएको हो । स्वस्थ्य बिमा बोड औपचारिकतामा मात्र सीमित हुने भएका कारण, स्वस्थ्य संस्थाहरुले आफुखुसी गर्दा ठुलो धनराशी रोकिन पुगेको सरोकारवालाहरुको भनाई रहेको छ । स्वास्थ्य बिमा बोडका अनुसार सिसन अस्पतालले आवश्यक कागजी प्रकृयाहरु पुरा नगरेका कारणले रोक्न पुगेको हो । यस अगाडि कागज सच्याएपछि मात्र रकम भुक्तानी गरेको हो । बिमा बोडले उल्लेख नगरेका औषधी प्रयोग गरेका कारण मिसन अस्पतालालाई बिमा कार्यक्रमबाट हटाईएको बताइएको छ । बिमा कार्यक्रम पाल्पा, रामपुर मिसन अस्पताल, लुम्बिनी मेडिकल कलेज, प्राथमिक स्वास्थ्य केन्द्र ताहुँ ,खस्यौली, लायन्स लाकौल आँखा अस्पतालमा बिमा कार्यक्रम लागु भएकोमा लुम्बिनी मेडिकल कलेज र मिसन अस्पतालमा बिमा कार्यक्रम बन्द भएको छ ।
३ पुष २०८२, बिहीबार
