खोज

बुटवल, ४ भदौं ।

बुटवलको मिलनचोकमा कोनोसु जापानिज ल्याङवेज कन्सलटेन्सी सञ्चालनमा आएको छ । जापानिज भाषा पढाउने र इच्छुक विद्यार्थीलाई उच्च शिक्षाका लागि जापान पठाउने उद्देश्य सहित कन्सलटेन्सी स्थापना गरिएको हो । कन्सलटेन्सीको सोमबार बढैयाताल वडा नम्बर गाउँपालिका बर्दियाका अध्यक्ष हिमालय त्रिपाठीले उदघाटन गरे । जापानमा रहेका र जापान अध्ययन गरी फर्किएका तीन जना युवाले कन्सलटेन्सी सञ्चालनमा ल्याएका हुन् ।

सो अवसरमा बोल्दै अध्यक्ष त्रिपाठीले पछिल्लो समय नेपाली युवा विद्यार्थी उच्च शिक्षाका लागि विदेश जानेहरूको संख्या धेरै रहेको बताउँदै तिनीहरुको लागि कन्सलटेन्सीले पुलको काम गर्ने बताए । उनले विद्यार्थीको पढाइसँगै कन्सलटेन्सीहरुले पक्रियागत झन्झटहरुलाई पनि सही रुपमा समाधान गर्नुपर्नेमा जोड दिए ।

कन्सलटेन्सीका प्रबन्ध निर्देशक कमल गौतमले विद्यार्थीहरुलाई सहज तरिकाले उच्च शिक्षा अध्ययनको लागि जापान जान सहजीकरण गरिने बताए । कार्यक्रममा बढैयाताल गाउँपालिका वडा नम्बर १ का वडा अध्यक्ष प्रेमबहादुर थापा क्षेत्रीले उच्च शिक्षा अध्ययन गर्न विदेश जाने विद्यार्थीहरु ज्ञान र सीप सहित स्वदेश फर्किदा मुलुकको विकासमा टेवा पुग्ने बताए । संस्थाका अध्यक्ष चिना पुनले जुम मार्फत जापानबाट सम्बोधन गर्दै आफूहरुमार्फत आउने विद्यार्थीलाई दुःख नपाउने गरी काम गर्ने बताइन । कार्यक्रममा काेनाेसु जापानिज ल्याङवेज कन्सलटेन्सी का संचालक सुशील थापा क्षेत्री ले काेनाेसु बाट प्रक्रिया गरेका बिधार्थी हरू कुनै दिन पनि असहज हुन नदिने गरि कामकाे थालनी गरिएको बताए ।

कोउनोसु इन्टरनेशनल कलेज जापानका प्रिन्सिपल नाइ मुरा फुयुमीले यस कन्सन्टेन्सीबाट आउनेलाई जापानमा सहयोग गर्ने बताए । कार्यक्रममा कोनोसु जापानिज ल्याङवेज कन्सलटेन्सी दाङ शाखाका सञ्चालक दीप श्रेष्ठ, नेपाल मानव धर्म सेवा समिति हंसयोग आश्रम बुटवल शाखाका प्रमुख माहात्मा अम्बिका वाइजी, बढैयाताल गाउँपालिका वडा नम्बर ८ का वडा अध्यक्ष तेजनाथ पौडेल, प्रकाश गौतम, खममाया पुन, शिवराज गौतम, पत्रकार केशव भण्डारी लगायतले बोलेका थिए ।