Butwal Today
कविता

एक अनुपस्थितिमाथि

गिरि श्रीस
२ भाद्र २०८०, शनिबार
अ
अ+
अ-

तिमी गयौ
आमाले जस्तै जन्म दिएर गयौ
बुद्धले जस्तै धम्म दिएर गयौ

तिम्रो याद आउनासाथ
घाउहरू चहर्याउन छोड्छन्

तिम्रो अनुपस्थिति समुद्र हो एउटा
म डुब्छु पिँधसम्मको गहिराइमा
र, टिप्छु मिठासको मोती

तिम्रो अनुपस्थितिले
मलाई यो धर्तीको
सबैभन्दा असली प्रेमी बनायो

नीरव छैनन् मेरा रातहरू
बाहिर झ्याउँकीरीको झ्याउँझ्याउँसँगै
गुञ्जिरहन्छन् भित्र हृदयमा
तिम्रै मायाका धुनहरू

तिम्रो अनुपस्थितिले
मेरा स्वप्न–थुङ्गाहरूलाई
चुम्बन गर्छन् र हरबिहान नयाँ जीवन दिन्छन्

मदहोसीको महालङ्गुरमाथि उभिएर
म हेरिरहन्छु
हाम्रा अङ्कमालहरूको फैलावट

तिम्रा यादका हातहरू
कति हतारिन्छन्
मेरा आँसुहरू पुछ्न

तिम्रो अनुपस्थितिलाई
धन्यवाद !

सम्बन्धित खबर

महिला प्रतिनिधित्व सुनिश्चित गर्न प्रतिनिधिसभामा उम्मेदवारी दिएँ: केसी

डिजिटल डिस्कर्ड सरकारको खुल्दै छ इन्टरफेस 

निर्वाचनप्रतिको बढ्दो उत्साह 

यो निर्वाचनलाई ख्यालठट्टा मात्रै नबनाऔँ 

‘अब हाम्रो होइन, राम्रो प्रतिनिधि छानौँ’ 

शिक्षालाई सामाजिक रूपान्तरणको आधार बनाउँदै बुटवल

‘नबिर्सौँ अब– देश बने मात्रै हामी बन्छौँ’ 

भन्सारलाई पारदर्शी र जबाफदेही बनाऊ