खोज

बुटवल,३२ साउन । विगत लामो समय देखि पेट सम्बन्धी विरामी भएर उपचारका लागि आर्थिक अभाव झ,ेल्दै आएकी अर्घाखाँचीको सन्धिखर्क –६ निवासी ३६ बर्षकी मधु कुमाललाई कोरियाबाट ८१ हजार बढी सहयोग आएको छ । दक्षिण कोरियामा रोजगारीको लागि गएका नेपालीहरुले मधु कुमाल बचाउ अभियानको लागि व्यक्तिगत रुपमा सहयोग गरेका छन् । उनीहरुले रोजगारी बापत आएको रकम बाट केही निश्चित रकम कुमाललाई प्रदान गरेका छन् ।
दक्षिण कोरियामा रहेका अर्घाखाँची जगतका कृष्ण प्रसाद भट्टराई र आविष्कार घिमिरे लगायतको पहलमा रकम संकलन भएको हो । युवाहरुबाट संकलन गरिएको ८१ हजार ४ सय २० रुपैयाँ कुमालको खातामा जम्मा भएको छ । बिहीबार अर्घाखाँची सम्पर्क समाज कोरियाका सल्लाहकार विनोद खनाल, लुम्बिनी प्रादेशिक अक्सीजन प्लान्ट प्राविधिक बाबुराम अधिकारी, सञ्चारकर्मी राम बहादुर अधिकारीले संयुक्त रुपमा उक्त रकम मुध कुमालको खातामा जम्मा गरेर भौचर प्रदान गरेका थिए ।
बुटवलमा रहेका सञ्चारकर्मी राम बहादुर अधिकारीको पहलमा कुमाल बचाउ अभियान अहिले जारी रहेको छ । सोही अनुसार अधिकारीले कुमालको खातामा कोरियाबाट आएको रकम जम्मा गरिदिएका हुन । लुम्बिनी प्रादेशिक अस्पताल बुटवलमा कुमाल अहिले पनि उपचाररत छन् ।
विहिबार उनको पेटबाट ३ लिटर भन्दा बढी पानी निकालिएको छ ।
लामो समय देखि पेट सम्बन्धी रोेग लागेको तर घरको आर्थिक अवस्था निकै कमजोर भएको कारण अस्पताल सम्म गएर उपचार गर्ने रकम नहुँदा उपचारको लागि आर्थिक सहयोगको याचना गर्दै आएकी थिइन् । उनलाई सहयोग गर्नको लागि मनकारी महानुभावले मधु कुमाल को नाममा ग्लोबल आईएमी बैंक सन्धीखर्क शाखाको खाता नम्बर: ४९०७०१०१८९५१४ मा सहयोग गर्न सकिन्े सञ्चारकर्मी राम अधिकारीले जानकारी दिए ।