खोज

नवलपुर, २९ साउन ।

गत पुस ३० गते विघटन भएको देवचुुली स्थित देवचुुली माध्यमिक विद्यालयमा व्यवस्थापन समिति आठ महिना वितिसक्दा पनि वन्न नसक्दा शिक्षकले अहिले सम्म तलव भत्ता समेत पाएका छैनन् । जसका कारण विद्यालय अस्तव्यस्त वन्न पुुगेको छ ।

नवलपरासी पुर्वको देवचुली नगरपालिका रहजरमा रहेको देवचुली माध्यमिक विद्यालयमा पटक पटक व्यवस्थापन समिति निर्माणको लागि छलफल र वैठक हरु भए पनि राजनिितक दाउपेचका कारण जिल्लामा सर्वोत्कृष्ट रहेको सो विद्यालय अहिले भने ओरालो लाग्न थालेको भन्दै स्थानीय अभिभावकले चिन्ता व्यक्त गरेका रजहरका समाजसेवी पविन्द्र जिसीले वताए ।

यो सामुुदायिक विद्यालय जिल्लामै उत्कृष्ट विद्यालयका रुपमा परिचित छ तर अहिले एउटा व्यवस्थापन समिति गठनमा एमाले, काँग्रेस र माओवादीको त्रिपक्षीय विवादले समिति गठन नहुुँदा यहाँका शिक्षकले छ महिनादेखि तलव पाएका छैनन् भने विद्यालयको अािर्थक प्रशासन ठप्प रहेको पुर्व अध्यक्ष सुुर्य न्यौपानले वताए ।

विद्यालय व्यवस्थापन समिति गठन नहुँदा त्यसको प्रत्यक्ष रुपमा विद्यालयमा अध्यापनरत शिक्षकहरु मारमा परेको शिक्षकहरुले गुुनासो गरेका छन् । विद्यालयकी लेखापाल स्थायी शिक्षकमा नाम निकालेर अन्यत्र सरुवा भएपछि विद्यालयको आर्थिक गतिविधि नै अहिले ठप्प छ ।

लेखापाल र प्रधानाध्यापकको हस्ताक्षरबाट निकासा हुने तलव लगायत रकम लेखापाल नहुँदा शिक्षकहरुले समेत पाएका छैनन् । लेखापाल नियुक्तिका लागि समितिले निर्णय गरी आवेदन आव्हान गर्नुपर्ने हुन्छ । तर विद्यालयमा समिति निर्माणमा राजनीतिक स्वार्थ राखी दाउपेच गरेपछि विगत आठ महिनादेखि व्यवस्थापन समिति विहिन छ ।

तलव नपाएर पीडित बनेका शिक्षकहरुले प्रधानाध्यापकको कार्यकक्षमा तालावन्दी समेत गरेका छन् । प्रधानाध्यापक नारायण प्रसाद भण्डारीले समिति निर्माणका लागि हदैसम्मको प्रयास गर्दा पनि सफल नभएको र देवचुली नगरपालिकाको शिक्षा शाखाले समिति निर्माणलाई पूर्णता नदिने हो भने आफूले राजीनामा समेत गर्ने वताए ।

यो विद्यालयमा एमाले र माओवादीको शक्ति संघर्षले समिति वन्न नसकेको कांग्रेसका नगर सभापति डिल्लीराम कडरियाको भनाई छ । “काँग्रेस वाधक छैन र हँुुदैन पनि”– कडरियाले भने । “एमालेवाट निर्वाचित नगरप्रमुुखको वडा र माओवादीवाट भर्खर अध्यक्ष पद गुुजारेका नेताको विवादले विद्यालय अस्तव्यस्त वन्यो, यो दुुखको विषय हो”–स्थानीय भोजेन्द्र रायमाझीले भने ।

एमालेका नगर अध्यक्ष कृष्ण केसीले चाँडो भन्दा चाँडो यो गतिरोध हटाउने कुुरामा एमाले लचिलो भएको वताए । माओवादीका जिल्ला संयोजक वालकृष्ण रानाभाटले देवचुुली माध्यमिक विद्यालयको समस्या राजनीतिक रुपमै हल गरिने गरी प्रकृया अघि वढेको वताए ।

एक हप्ताभित्र समस्या समाधान भएन भने अभिभावकहरुले नै समिति वनाएर देखाउने चेतावनी दिएको स्थानीय गोविन्द पौडेलले वताए । विद्यालयका अभिभावकहरुले देवचुली नगरपालिकाका नगर प्रमुख हरिप्रसाद न्यौपाने र वडा नं. १६ का वडाध्यक्ष केशवराज गौतमले राजनीतिक हस्तक्षेप गरेको आरोप लगाएका छन् । समिति गठनकै प्रकृयालाई लिएर उच्च अदालत पोखरामा मुद्दा समेत परेको छ । मुद्दाको फैसला आगामी भदौ १२ गते आउँदैछ । नगरप्र्मुुख हरि न्यौपानेले कुुनै हस्तक्षेप नगरेको दावी गरेका छन् ।