खोज

काठमाण्डौ, २६ साउन । राष्ट्रिय खेलकुद परिषदका कर्मचारीको २८ वर्षपछि हुन लागेको बढुवा प्रक्रिया युवा तथा खेलकुद मन्त्रालयबाट अवरोध पुर्याएको भन्दै राष्ट्रिय खेलकुद परिषद् कर्मचारी संघ आन्दोलनमा उत्रिएको छ । राष्ट्रिय खेलकुद परिषद् कर्मचारी संघले बिहीवार पत्रकार सम्मेलन गरि चरणवद्ध आन्दोलन गर्ने घोषणा गरेका छन् ।

करिव तीन दशकसम्म बढुवा नभएका कर्मचारीको पदोन्नतीका विषयमा काम भइरहँदा मन्त्रालयले त्यसलाई रोक्न काम गरेको भन्दै चरणवद्ध रुपमा आन्दोलन गर्ने राष्ट्रिय खेलकुद परिषद् कर्मचारी संघकी अध्यक्ष सरस्वती केसीले बताईन । देशभर जिल्ला खेलकुद र केन्द्रमा गरेर करारसहित करिव आठ कर्मचारीहरु नेपाली खेलकुदमा छन् । यद्यपि यीमध्ये केही २८ वर्षसम्म एउटै पदमा कार्यरत कर्मचारी पनि छन् । उनीहरुको बढुवा प्रक्रियाका लागि लामो समयदेखि प्रयास भएपनि हुन नसकेको उनले दुखेसो गरिन । पछिल्ला समय भने नियमसम्मत रुपमा तीन सय ८५ जना कर्मचारीको बढुवा प्रक्रियाको काम अन्तिम चरणमा पुगेपछि युवा तथा खेलकुद मन्त्रालयले रोकेको उनले आरोप लगाईन ।

राष्ट्रिय खेलकुद परिषद्का सदस्यसचिव टंकलाल घिसिङको संयोजकत्वमा रहेको पाँच सदस्यीय पदपूर्ती समितिले आवश्यक प्रक्रिया पुर्याएर लामो समयदेखि बढुवा नभएका कर्मचारी (प्राविधिक र प्रशासनिक) बढोन्नतीको काम अगाडि बढाएको थियो । उक्त पदपूर्ति समितिको सदस्यहरुमा राखेपका विभागीय प्रमुख, खेलकुद मन्त्रालयको प्रतिनिधि र खेलकुद विज्ञ (विजेन्द्र हमाल र चन्द्रकान्त पण्डित) थिए । तर, मन्त्रालयका प्रतिनिधिले भने बढुवा प्रक्रिया अगाडि बढाउन नमानेको कर्मचारीहरुको आरोप छ । राखेपका कर्मचारी संघका महासचिव कुमार बस्नेतले मन्त्रालका सहसचिवद्वय कुमार दाहाल र युगनारायण श्रेष्ठले कर्मचारीहरुको बढुवा प्रक्रिया रोकेको आरोप लगाए ।

कर्मचारी सेवाशर्त नियमावलीमा अधिकृतभन्दा तल १२ वर्ष, अधिकृतको १५ वर्ष, अधिकृत द्वितीयदेखि प्रथममा १८ वर्षसम्म एउटै पदकमा काम गरेको र आवश्यक शैक्षिक योग्यता पनि पुगेका बढुवा हुन पाउने प्रक्रिया रहेको राखेपअन्तर्गत कर्मचारी संघले जनाएको छ । आफूहरुको माग सुनुवाई नभए प्रशिक्षकहरुले प्रशिक्षणको कार्यक्रम नै नगर्ने कर्मचारीहरुले चेतावनी दिएका छन् ।

भिडियो सामग्री