खोज

भैरहवा, २२ साउन ।  सिद्धार्थनगर नगरपलिका वडा नं १० दोगहरीमा रहेको सुर्यदेव माविमा शिक्षक छनौट गर्दा अनियमितता गरेको आरोप लागेको छ । गणित राहत शिक्षको परीक्षा गर्दा परीक्षा बीचमै रोकिई बिभिन्न घटनाले शिक्षक छनौटमा अनियमितता भएको स्थानीयहरू बताउँछन् । १६ गते मंगलबार लिइएको परिक्षामा ७ जना विद्यार्थी सहभागी भएकोमा १ जना विद्यार्थी रामकेश कहाँर मात्रै उत्तीर्ण भएको तर अर्कालाई ३ जनाले नम्बर दिएर उत्तीर्ण गराएको विद्यालय ब्यवस्थापनका अध्यक्ष हरिद्वार प्रसाद जैसवालले आरोप छ । यद्यपी आफ्नो मान्छे नपरेपछि अध्यक्षले शिक्षक छनौटमा अनियमतिता भएको बिषय बाहिर ल्याएको बताइन्छ ।

निकटतम प्रतिस्पर्धी शालीकराम ज्ञवालीलाई प्रधानाध्यापक दूर्गा पाण्डे, विषय विज्ञ मेघनाथ शर्मा र वि.नि.जानवी पाण्डेले आफै नं. दिएर पहिलो परिक्षामा २ जनालाई उत्तीर्ण गराइएको सुर्यदेव माध्यमिक विद्यालय, विद्यालय ब्यवस्थापन समितिका अध्यक्ष हरिद्वार प्रसाद जैसवालले बताए । ब्यवस्थापन समितिका अध्यक्ष हरिद्धार जैसवालले भने, तीनजनाले हामी आफैले ३/४ नं. थप्न मिल्छ भनेर मलाई झुक्याए अनि २ जनालाई पास गराइ दोश्रो परीक्षा सञ्चालन गरे अनि कापी चेक गर्दा शालीकरामलाई आफै उनिहरू नम्बर दिइ धाँधली गरे अनि म परिक्षा छाडेर हिँडे ।

७ जना शिक्षकका लागि प्रतिस्पर्धी मध्येका एक मुनिव प्रसाद यादवले शिक्षकको बिज्ञापन २/२ पटक हुनु त्यहीँबाट आशंका रहेको बताउँछन् । लिलाराम न्यौपाने माविमा परीक्षा तोकिएको थियो ७ जना मध्ये परिक्षा दिँदा पहिलो पत्र र दोश्रो पत्र थियो पहिलोमा ७ जना सहभागी हुँदा ५ जना हामी फेल भयौँ २ जना पास भए यादव भन्छन्, दोश्रो पत्रमा शालीकराम ज्ञवालीको ५० उत्तीर्णांक कम भएको छ अपुगलाई पुर्याउनका लागि शिक्षा शाखाका विद्यालय निरिक्षक जानवी पाण्डे, विषय विषेशज्ञ मेघराज शर्मा र विद्यालयका प्र.अ. दुर्गा पाण्डे ३ जनाको मिलोमतोमा आफै प्रश्नको उत्तर दिई ५१ पुर्याइ पास गराएको आरोप लगाए ।

यो अनियमितता भएको छ निष्पक्ष हुनुपर्छ भन्ने मेरो माग रहेको छ राती रातीसम्म किन परीक्षा गराइयो राती ११ बजे परिक्षा सकेर उहाँहरू किन जानुभयो यादवले प्रश्न गरे । विद्यालयका प्रधानाध्यापक दुर्गा पाण्डेले यो विषयमा प्रश्न गर्दा उत्तर नदिने बताइन । हामीलाई गफ गर्ने समय छैन भन्दै पाण्डे बोल्न चाहिनन्। विषय विज्ञ मेघनाथ शर्माले अबेला जानकारी भएको बताउँदै धेरै समय लागेको बताउँदै ४ बजे सुरु गरेको ७ बजेसम्म परीक्षा चलेको, पेपर चेक गर्दा २ जनामा १ जनाले केही गरेको देखिएको पाइएपछि एउटा पास एउटा फेल हुने भयो भन्दा ८ बजेको थियो । दोश्रो पत्रमा १ जना पास र अर्को फेल हुने भएपछि अध्यक्ष निस्कीएको बताए । शर्माले भने–अन्तर्बार्तामा अध्यक्ष चाहियो भन्ने कुरा भयो अध्यक्षलाई फोन गर्दा सम्पर्क हुन सकेन पछि अध्यक्ष नआउने कुरा भयो । अध्यक्ष नआउने भएपछि टुंगोमा लाग्न नसकेको बताए ।

सिद्धार्थनगर नगरपालिकाका शिक्षा प्रमुख चेतनशील लम्सालले पहिलो पेपरमा २ जना मात्रै पास भएकोमा अध्यक्षले भनेको मान्छे नभएपछि अध्यक्ष हिँडेको बताए । २ जना प्रतिस्पर्धी मध्ये १ जना ज्ञवाली थरका १ जना कहार थरका थिए जाँच्ने क्रममा अध्यक्ष हिँडेपछि बिचमै रोकिएको बताउँदै लम्सालले भने, ब्यवस्थापनको अध्यक्ष छनौट समितिको अध्यक्ष हुन्छ ३ जनाको छनौट समितिमा अध्यक्ष हिँड्नुभयो । विद्यालयमा शिक्षक छनौटमा आशंका भए सबै सुरक्षाका लागि प्रहरी कार्यालयमा लाह छाप लगाएर बुझाएको उनले बताए ।

रूपन्देहीको शिक्षा विकास तथा समन्वय इकाइ प्रमुख माधव बञ्जाडेले समग्र ब्यवस्थापन नगरपालिकाले गरेको बताए । हामीले बिज्ञको लिस्ट तयार पारिदिने त्यसपछाडि २ जना विज्ञ तोकिदिने काम गछौँ अरू सबै स्थानीय तहले गर्नुहुन्छ । उप सचिव सर नै हुनुहुन्छ फर्मल्ली मकहाँ यो विवाद आइपुगेको छैन ।