खोज

बुटवल, २२ साउन ।

लायन्स क्लव अफ बुटवल सिद्धार्थ र आधारभूत स्वास्थय सेवा केन्द्र मायादेवी–२ पिपरहवा रुपन्देहीको संयुक्त आयोजनामा एक दिने आँखा पाक्ने रोगसम्बन्धी अभिमुखीकरण कार्यक्रम सम्पन्न भएको छ ।

तिलौरी आधारभूत विद्यालय मायादेवी गाउँपालिका–२ रुपन्देहीमा कार्यक्रमको आयोजना गरिएको हो । आँखा पाक्ने रोग तीव्ररुपमा फैलिंदै गएकाले यसको रोकथाम, उपचार विधि र अपनाउनुपर्ने स्वास्थ्य सुरक्षाका बारेमा जानकारी गराउन अभिमुखीकरण कार्यक्रम गरिएको लायन्स क्लव अफ बुटवल वर्ष २०२३–२४ का अध्यक्ष नारायणविक्रम कुँवरले बताए ।

कार्यक्रममा तिलौरी आधारभूत विद्यालयका प्रधानाध्यापक हरिहर यादवले कार्यक्रमबाट आँखा पाक्ने रोगबारे पुर्व सतर्कता अपनाउन सहयोग पुग्ने धारणा राखे । कार्यक्रममा लायन्स क्लव अफ बुटवल सिद्धार्थका पुर्व अध्यक्ष तथा लायन्स डिष्ट्रिक मेम्बर आई स्क्रिनका मेम्बर भोजराज पोख्रेल, तिलौरी आधारभूत विद्यालयका शिक्षकहरु सञ्जय कुमार यादव, रामचन्द्र मुराव, रामनाथ यादव, गिता सुवेदी, रिना पाल, देवकी पौडेल, बलिराम तेली, दिलिप थारु, लायन्स क्लव अफ बुटवलका कार्यालय सचिव सुन्दर श्रेष्ठ लगायतले मन्तव्य व्यक्त गरेका थिए ।

तिलौरी आधारभूत विद्यालयमा रहेका सम्पूर्ण शिक्षकहरुको उपस्थितिमा भएको कार्यक्रममा आधारभूत स्वास्थ्य सेवा केन्द्र मायादेवी–२ पिपरहवामा सेवारत स्वास्थ्यकर्मी तथा लायन्स डिष्ट्रिक मेम्बर पुर्व अध्यक्ष भोजराज पोख्रेलले आँखा पाक्ने रोग के हो ? के कारणले आँखा पाक्दछ ? यसका लक्षण तथा चिन्ह कस्ता हुन्छन् ? र समाधान तथा जोगिने उपायबारे सहजीकरण गरेका थिए । कार्यक्रममा क्लवका अध्यक्ष नारायणविक्रम कुँवरले तिलौरीमा क्लवले यस्ता कार्यक्रम आगामी दिनमा पनि सञ्चालन गर्ने जानकारी गराए ।