खोज

बाँके २० साउन । आगामी भदौ २ गते हुने नेपालगन्ज उद्योग वाणिज्य संघको निर्वाचनका लागि साझा प्रजातान्त्रिक र समावेशी प्यानलले आफ्ना उम्मेदवार दर्ता गराएका छन् । शुक्रवार उम्मेदवार दर्तासंगै संघको निर्वाचन गतिबिधि तिव्ररूपमा अघि बढेको छ ।
साझा प्रजातान्त्रिक प्यानलको तर्फबाट अध्यक्षमा ललित कुमार रौनियार, वाणिज्य उपाध्यक्षमा बिष्णुप्रसाद श्रेष्ठ, उद्योग उपाध्यक्षमा मो सफिक बेहना, महिला उपाध्यक्षमा करिष्मा योगी, महासचिवमा टंकप्रशाद शर्मा, उपमहासचिवमा टेकबहादुर खड्का र कोषाध्यक्षमा मख्खन धामीलाई उम्मेदवार बनाएको छ ।

त्यस्तै सदस्यमा शिव प्रसाद दाहाल, सन्तोष कुमार पौडेल, विवेककुमार श्रेष्ठ, सुनिल भण्डारी,यूवराज ढकाल,प्रमोद कुमार अग्रवाल,पदम श्रेष्ठ,कैफुल वरा जोलाहा,अतुल कुमार गुप्ता हल्वाई (भाईजी) र बल बहादुर बिष्ट (बबी) रहेका छन् । एशोसिएट सदस्यमा प्रदीप कुमार गुप्ता,पुरुषोत्तम अग्रवाल रहेका छन् । उम्मेदवारी घोषणाको कार्यक्रममा बोल्दै अध्यक्ष पदका उम्मेदवार रौनियारले आर्थिक संकटका समयमा व्यवसायीका पक्षमा उभिने हक्की स्वभावको नेतृत्व व्यवसायीले खोजिरहेको बताए ।

उनले भने,–‘अहिलेको आर्थिक संकट समाधानका पक्षमा दृडतापूर्वक कुरा राख्ने नेतृत्व व्यवसायी साथीहरूले खोजिरहनुभएको छ । त्यो नेतृत्वदायी अभिभावकत्वको लागि मेरो उम्मेदवारी हो । म कुरा चपाएर गर्ने मान्छे होइन,जहाँ व्यवसायीलाई अफ्ठ्यारो पर्छ त्यहाँ हाजिर हुने मान्छे हो ।’ बिगतमा समेत उम्मेदवारी दिएर पराजित भइसकेका रौनियारले यसपटक आफुलाई सहानुभुती मत प्राप्त हुने आशा राखेका छन् । उनी भन्छन्,–‘मलाई यसपटक व्यवसायी साथीहरूले निरास बनाउनुहुने छैन ।’ समावेशी प्यानलले टंक धामीको नेतृत्वको आफ्ना उम्मेदवार घोषणा गर्दै आगामी निर्वाचनमा बिजय बनाएर संघका कस्ता सुधारका कार्यक्रम गर्ने भन्ने बिषय समेटिएको घोषणापत्र सार्वजनिक गरे ।

धामीको नेतृत्वमा उद्योगतर्फको उपाध्यक्षमा चिरञ्जीवी ओली, वाणिज्य उपाध्यक्षमा हरिलाल न्यौपाने, महिला उपाध्यक्षमा मन्दिरा पाण्डे, महासचिवमा भिम रानाभाट, उपमहासचिवमा मदनराज शर्मा,कोषाध्यक्षमा सलाउद्धिन जसगढ उम्मेदवार छन् । त्यस्तै सदस्यमा इन्दिराकुमारी शाही, तोपबहादुर थापा, बिष्णु श्रेष्ठ, बुद्धिबहादुर दियाली, सुदन केसी, शिवराज वर्मा, धर्मन्द्रसिंह ठटेर, टीकामणि उपाध्याय, डम्बर चन्द, जमालुद्धिन अन्सारी उम्मेदवार छन् भने कमल कार्की, राजीव तलङ्गा एशोसियट तर्फको उम्मेदवार छन् ।

उम्मेदवारी घोषणामा बोल्दै अध्यक्ष पदका उम्मेदवार टंकबहादुर धामीले ‘व्यवसायीका पक्षमा रातदिन नभनी खटिने’ नेतृत्वकारूपमा आफुलाई निर्वाचित गर्न अनुरोध गरे । आफु बिगतमा समेत व्यवसायीका पक्षमा कम्मर कसेर लागेको बताउँदै उनले भने,–‘हिजो जसरी व्यवसायीका पक्षमा लागे नेतृत्वमा पुग्दा पनि व्यवसायीकक्षेत्रको हकहितका पक्षमा लाग्छु । व्यवसायीले भोग्नुपरेका कयौं समस्या समाधानका लागि संघलाई परिचालित गर्छु ।’ अध्यक्ष पदका उम्मेदवार धामीले नेपालगन्जको विकासका पनि अघि बढ्ने बताए ।