खोज

नवलपुर, १५ साउन ।

जनताको ढाड सेक्ने गरी स्थानीय तहले करमा भारी बृद्धि गर्न थालेपछि नवलपुरका स्थानीय आन्दोलित भएका छन् ।

पुर्वी नवलपरासीको देवचुली नगरपालिकाको राजस्व परामर्श समितिले देवचुुली नगरपालिकाका जनताका लागि एक सय प्रतिशतदेखि एक हजार दुई सय पचास प्रतिशत सम्म करमा वृद्धि गरेपछि त्यसका विरुद्ध स्थानीय आन्दोलित हुनुु परेको देवचुुलीका समाजसेवी डिल्लीराम कडरियाले बताए ।

आर्थिक वर्ष २०७९।८० मा एउटा किराना पसल खोल्न रु एक हजार कर लिने नगरपालिकाले अहिले आर्थिक वर्ष २०८०।८१ बाट भने सात हजार सम्म कर लिने निर्णय गरेको र हरेक फर्म दर्ता गर्दा कर एक सय प्रतिशतदेखि एक हजार दुई सय पचास प्रतिशत सम्म तोकेपछि स्थानीयले नगरपालिकाकमा तालाबन्दी नै गरी आन्दोलनमा उत्रिएका देवचुली नगरपालिकामा नगरप्रमुखका प्रत्यासी बनेका स्थानीय समाजसेवी अशोक बस्ताकोटीले बताए ।

नगरपालिकाले नगरबासीको ढाड सेक्ने गरी हरेक विषयमा अत्यधिक कर उठाउने निर्णय गरेपछि स्थानीयले तालाबन्दी गरी कर नघटे सम्म कुुनै पनि किसिमको कर नबुुझाउन र आन्दोलनमा सकृय हुुन आह्वान गरिएको देवचुुली उद्योग बाणिज्य संघका पूर्व अध्यक्ष धर्मराज बस्यालले बताए ।

नगरपालिकाले हालैको नगरपरिषदमा कुुनै सदस्यलाई थाहा नै नदिई नगरप्रमुख र उपप्रमुुखले जबर्जस्त करको दायरा अत्यधिक बढाएपछि नगरबासीमा नैराश्यता बढेको दलदलेका स्थानीय सरोज आचार्यले बताए ।

नगरपालिकाले सिफारिश दस्तुुरमा एक हजार प्रतिशत सम्म बढाएको छ भने मदिरा उद्योग संचालन गर्न र नवीकरण गर्न एक हजार दुुई सय पचास प्रतिशत सम्म कर बढाएको छ । यसै गरी डिपार्टमेन्ट खोल्न यसअघि १७ हजार राजस्व तिर्नुुपर्नेमा अहिले ७० हजार तिर्नुुपर्ने गरी वृद्धि गरेको छ ।
कर वृद्धिको विरोधमा स्थानीय स्वतस्फुर्त आन्दोलनमा उत्रिएपछि स्थानीयले नै नगरपालिकाको मूुल गेटमा तालाबन्दी गरेपछि नगरपालिकाले बार्ताद्वारा समस्याको समाधान गर्न आग्रह गरेको र तत्काल बढेको कर नतिर्न र पुुरानै दरमा कर दाखिला गर्न अनुुरोध गरेको नगरपालिकाका प्रमुुख प्रशासकीय अधिकृत मोहन मरासिनीले बताए ।

स्थानीयले भने नयाँ करको दर पुुरै नघटाए सम्म कुुनै बार्ता नै नहुुने र तालाबन्दी पनि नखोल्ने भन्दै थप कडा सर्घषका कार्यक्रमहरु ल्याउने समाजसेवी अशोक बस्ताकोटीले बताए