खोज

चन्द्राैटा(कपिलवस्तु), १४ साउन ।

आधारभूत स्वास्थ्य सेवा अस्पतालका प्रमुख लेखनाथ पाैडेललाई जिम्मेवारीबाट हटाइएको छ । विगत केही दिन देखि अस्पतालकाे जिम्मेवारी सम्हालेका अधिकृतस्तर छैठौं पाैडेललाई नगरपालिकाले आइतबार एक सूचना जारी गर्दै जिम्मेवारीबाट हटाएकाे हाे ।

उक्त अस्पतालमा कार्यरत महिला कर्मचारीमाथि पाैडेलले दुर्व्यवहार गर्नुका साथै अभद्र तथा अमर्यादित व्यवहार गरेकाे भन्दै अस्पताल र शिवपुर स्वास्थ्य चाैकीकाे प्रमुखकाे जिम्मेवारीबाट हटाइएको सूचनामा उल्लेख गरिएको छ । प्रमुख पाैडेलले महिला कर्मचारी माथि दुर्व्यवहारकाे आराेप लागेकाे छ ।

जिल्लाको शिवराज नगरपालिकाले सञ्चालन गरेकाे अस्पतालकाे प्रमुखले शुक्रबार राति डिउटीमा रहेका कर्मचारीहरुलाई दुर्व्यवहार गरेकाे आराेप लागेकाे हाे । वडा नम्बर-५, चन्द्राैटामा रहेकाे अस्पतालमा राति करिब १ बजे मदिरा सेवन गरी कार्यालय परिसरमा गालिगलाैज गर्दै कर्मचारीहरुलाई दुर्व्यवहार गरेकाे पीडितकाे आराेप छ । प्रमुख पौडेलले महिला कर्मचारीलाई यता ज उता ज भन्दै जबर्जस्ती गरेको पिडितकाे भनाई छ ।

पीडितका अनुसार कर्मचारीहरु क-कसलाई सुत्न बाेलाएकाे हेर्छु भन्दै अपशब्दहरु पाैडेलले प्रयाेग गरेका छन् । शिवराज नगरपालिका-३, बस्ने भुवन पाण्डे समेत पाैडेलसँगै बसेर मदिरा सेवन गरेकाे जनाइएको छ । पीडितका अनुसार उनीहरु रोइ कराई हार गुहार समेत गरेका थिए । आराेप लागेका पाैडेलले पीडितलाई फाेन सम्पर्क गरि मिडियामा नल्याउन आग्रह गर्द‌ै पीडितकै कारण आफू मर्न बाध्य भएकाे जस्ता धम्कीपूर्ण शब्दकाे प्रयाेग गरेको उनीहरूको भनाई छ ।

वडा नं.१ स्थित शिवपुर स्वास्थ्य प्रमुख रहेका पौडेल यही साउन १ गतेदेखि आधारभूत अस्पताल प्रमुखको जिम्मेवारी सम्हाल्दै आएका छन् । यता दुर्व्यवहारका आराेप लागेका प्रमुख पाैडेलले आजसम्म आफू यस्ताे घटनामा कहिल्यै नमुछिएकाे बताए ।

नभएकाे कुरा बंगाएर एकाएक सामाजिक सञ्जालमा आउँदा आफू निकै चिन्तित बनेकाे दुखेसो पोखे । कसैलाई दुर्व्यवहार नगरेकाे बताउँदै मदिरा सेवन गरेकाे बखत यदि केही कसैलाई बाेलेकाे भएपनि त्याे शब्दप्रति आफूले सम्बन्धित व्यक्तिसँग समन्वय गरि माफी समेत मागेको पाैडेलले बताए । यस्तै वडा प्रहरी कार्यालय चन्द्राैटाका प्रहरी निरीक्षक शेखरजंग मल्लले उक्त घटनाकाे बिषयमा आफूलाई केही जानकारी नभएको बताए ।