खोज

बुटवल, १४ साउन ।  इलाका प्रहरी कार्यालय बुटवलमा गएको आर्थिक वर्षमा ५ सय ३५ जना विरुद्ध मुद्दा दर्ता भएको छ । प्रहरी कार्यालयका अनुसार इलाका प्रहरी कार्यालय बुटवलमा आत्महत्या र कर्तव्य ज्यान सम्बन्धित कसुरमा धेरै जना बिरुद्ध मुद्दा छन् ।

गएको एक वर्षमा ज्यान सम्बन्धी कसुर गरेको भन्दै ९६ बटा र आत्महत्यामा ९९ बटा अभद्र ब्यवहारमा ६३ वटा, चोरीमा ५० वटा, लागूऔषध ओसारपसार तथा सेवनमा ४२ वटा, जबरजस्ती करणीमा २७ वटा र जबरजस्ती करणी उधोगमा ८ वटा बिरुद्ध मुद्दा दायर भएको हो ।
कर्तब्य ज्यानमा संलग्न १३ वटा ज्यान मार्ने उद्योगमा ११ वटा बिरुद्ध समेत मुद्दा दायर भएर कार्वाही भएको प्रहरीको रेकर्डमा देखिएको छ ।

सवारी ज्यानमा ४३ वटा सवारी दुर्घटनामा २० वटा सवारी दुर्घटना गराएर अंगभंगमा ५ वटा, ठगीमा ८ वटा अपहरण तथा शरीर बन्धकमा २ वटा, बहुबिवाह बिरुद्ध ६ वटा, सरकारी कागज लिखत नष्ट ५ वटा, बिष्फोटक पदार्थ सम्बन्धिी १ जना, हातहतियार खरखजना २ वटा, सरकारी छाप दुरूपयोग गरेको भन्दै एक वटा, सवारी चोरी ४ वटा, जुवातास एक वटा, बिष सेवनगरी आत्महत्या ८ वटा, नागरिकता कृतेकार्यमा एक वटा, बैकिड्ड कसुरमा १ वटा, सरकारी पैसा हिनामिनामा एक जना गरी ५ सय ३५ वटा मुद्दा दर्ता गरी कार्वाही प्रक्रिया अगाडि बढाइएको हो ।

गत वर्ष ४ सय ९६ वटा मुद्दा चलाएकोमा गएको आर्थिक वर्षमा ५ सय ३५ वटा मुद्दा दर्ता गरेको इलाका प्रहरी कार्यालय बुटवलका प्रहरी निरीक्षक प्रकाश खत्रीले बताए । निरीक्षक खत्रीले भने–‘मुद्दाको संख्या प्रकृति हेर्दा हरेक वर्ष बढ्दै गएको छ ।” इलाका प्रहरी कार्यालय बुटवलका प्रमुख प्रहरी नायब उपरीक्षक दान बहादुर थापाले धेरै मुद्दा चल्नुमा प्रहरीको सक्रियता रहेको दाबी गर्दछन् । उनले शान्ति सुरक्षा कायम, अपराध नियन्त्रण, ट्राफीक व्यवस्थापन, विवाद समाधान, विपत व्यवस्थापन लगायतका विषयमा प्रहरीको निरन्तर निगरानी र कर्तव्य पालनाले गर्दा मुद्दा दर्ता बढेको उनको भनाइ छ ।

प्रहरीलाई साधान स्रोतले पूर्ण बनाउन आवश्यक रहेको बताउँदै उनले अझ बढि जनशक्ति भएमा मुद्दा दर्ता, अनुसन्धान लगायतका काममा सहज हुने बताए । उनले भने–‘ प्रहरीलाई साधान स्रोत सम्पन्न बनाउनु जरुरी छ, पर्याप्त मात्रामा दरबन्दीको जरुरी छ ।’ नेपाल प्रहरीलाई बढ्दो प्रविधि, सामाजिक अवस्था हेरेर सोही अनुसार अझ बढि सुबिधा सम्पन्न बनाउनुपर्ने उनको जोड रहेको छ ।