Butwal Today

सिद्धबाबा सुरुङमार्गको रिप पहिरोले भत्कायो

न्युज बुटवलटुडे
९ श्रावण २०८०, मंगलवार
अ
अ+
अ-

बुटवल, ९ साउन ।  निर्माणाधिन सिद्धबाबा सुरुङमार्गको रिप (अर्ध गोलो डिजाइन) पहिरोले भत्काएको छ । पाल्पाको तिनाउ गाउँपालिका–३ मा बन्ने सुरूङमार्गका लागि डाइर्भसन सकेर टनेल पोर्टलको काम भइरहेका बेला सुरुङमार्गको प्रस्थानविन्दु बुटवलतर्फको रिपलाई मँगलबार वर्षासँगै झरेको पहिरोले भत्काएको हो । बुटवल–पाल्पा सडकखण्डको शिद्धबाबामा बर्खाको समयमा समेत सुरुमार्ग निर्माणको काम भइरहेको छ । सिद्धार्थ राजमार्ग अन्तर्गत सुरूङमार्गमा अहिले टनेल पोर्टलको काम भइरहेको आयोजनाले जनाएको छ ।

सुरूङमार्गका इन्जिनियर युधिष्टर पन्थीले चौविसै घण्टा सुरूङमार्ग निर्माणको काम भइरहेको बताए । आयोजनाको निर्माण कम्पनी चाइना स्टेट कन्स्ट्रक्सन इन्जिनियरिङ कर्पोरेसनले काम गरिरहेको छ ।

आयोजनाका अनुसार १ हजार १२६ मिटर लामो सुरूङ पाल्पाको दोभानबाट शुरु भएर बुटवलको चिडिया खोला रामपिथेकस पार्कसम्म ल्याइने छ ।सुरूङमार्गको लागत १० अर्ब रूपैयाँ अनुमान गरिएको छ ।

स्विस सरकारको विकास सहयोगमार्फत सुरूङ मार्ग निर्माणका लागि भौगर्भिक अध्ययन गरिएको थियो । सुरूङमार्ग ५ वर्षभित्र बन्ने गरी ठेक्का प्रदान गरिएको हो । ठेक्का लगाएको करिब १४ महिना पूरा भएको छ । रातिको समयमा बाटो बन्द गरेर काम भइरहेको आयोजनाले जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

चालु पुँजी कर्जा मार्गदर्शन संशोधन, कर्जा पुनरर्तालिकीकरण गर्न सकिने

सुनचाँदीको मूल्यमा सामान्य गिरावट

नेप्से परिसूचक २३ अङ्कले वृद्धि

सुनचाँदीको मूल्यमा सामान्य गिरावट

सात महिनामा साढे १२ खर्ब रेमिट्यास भित्रियो

चालु खाता र शोधनान्तर उच्च बचतमा, १८ महिनाको आयात धान्ने मुद्रा सञ्चिति

नेप्से परिसूचक १ दशमलव ६४ प्रतिशतले घट्यो

सुनको मूल्य बढ्यो, चाँदीको स्थिर