खोज

दाङ,९ साउन । तुलसीपुर उपमहानगरपालिकाले स्थानीय पाठ्यक्रम अनुसारको पुस्तक तयार पारेको छ । तुलसीपुर उपमहानगरपालिकाले प्रकाशनमा ल्याएको हाम्रो तुलसीपुर पाठ्यपुस्तक अब विद्यार्थीहरुको हातहातमा पुग्ने भएको छ । हाम्रो तुलसीपुरको नगरप्रमुख टीकाराम खड्काले मंगलबार विमोचन गरेका हुन् । कक्षा एकदेखि आठसम्म स्थानीय पाठ्यक्रम गतवर्ष नै तयार पारेको थियो । कक्षा चारदेखि आठसम्मका लागि पाठ्यपुस्तक तयार पारिएको हो । कक्षा ४,५,६,७ र ८ कक्षाको पाठ्यपुस्तक विमोचन गरेको हो ।

नगरप्रमुख टीकाराम खड्काले विद्यालयमा पुग्दा शिक्षक र विद्यार्थीबाट पाठ्यपुस्तक माग भएपछि पाठ्यपुस्तक तयार पारिएको बताए । नगरप्रमुख खड्काले विद्यार्थीहरुलाई स्थानीयताको अपनत्व,परिचय,विषयगत जानकारी प्रदान गर्दै सिकाइ उपलब्धि हासिल गराउनका लागि पाठ्यपुस्तकलाई प्राथमिकतामा राखेर प्रकाशन गरिएको बताए । नगरप्रमुख खड्काले स्थानीय पाठ्यक्रममा विद्यार्थीमा नैतिकता,अनुशासन दिलाउनका लागि योग,नैतिक शिक्षाको विषयवस्तु समावेश गरिएको बताए ।
उपप्रमुख स्यानी चौधरीले शिक्षाको सुधार र सिकाई उपलब्धि हासिल गर्नका लागि स्थानीय पाठ्यपुस्तकको महत्वपूर्ण भूमिका रहने बताइन् । उनले पाठ्यपुस्तक कार्यान्वयनमा शिक्षकको महत्वपूर्ण भूमिका रहने बताइन् । स्थानीय पाठ्यपुस्तकले स्थानीयस्तरका बस्तु र स्थानका बारेमा जानकारी दिने बताइन् ।

शिक्षा युवा तथा खेलकुद महाशाखाका प्रमुख चक्रबहादुर भण्डारीले स्थानीय भाषा,संस्कृति,कला,पर्यापर्यटन,जैविक विविधता,पेशा,व्यवसायलाई समेटिएर पाठ्यपुस्तक तयार पारिएको बताए । उनले पाठ्यक्रमबाट मात्रै विद्यार्थीहरुमा सिकाइ उपलब्धि हासिल गराउनका लागि विषयगत जटिलता देखिएपछि पाठ्यपुस्तक तयार पारिएको बताए । शाखा प्रमुख भण्डारीले मुद्रण गरिएकाले पाठ्यपुस्तक तत्कालै विद्यार्थीसमक्ष पु¥याइने बताए । उनले आगामी शैक्षिण सत्रमा कक्षा एकदेखि तीनसम्मको पाठ्यपुस्तक प्रकाशन गरिने बताए ।
पाठ्यपुस्तक सम्पादनमण्डलका सदस्य उपप्राध्यापक महेन्द्र भण्डारीले छोटो समयमै पाठ्यपुस्तक तयार पार्दा स्थानीयस्तरमा रहेका सूचनाको प्राप्त गर्न नसक्दा केही त्रुटि रहने भएकाले पाठ्यपुस्तक पढेर सुझाव दिन आग्रह गरे । स्थानीय पाठ्यपुस्तक तयार कार्यदलका सदस्य डिल्ली अधिकारीले स्थानीय पाठ्यक्रममै आधारित रहेर पाठ्यपुस्तक तयार पारिएको बताए । उनले पाठ्यपुस्तकलाई व्यवहारिक र ज्ञानमुलक बनाउने गरी तयार पारिएको बताए । कार्यक्रममा शाखा प्रमुख चक्रबहादुर भण्डारी र मानबहादुर खड्काले स्थानीय पाठ्यक्रमले तुलसीपुरका बारेमा विद्यार्थीले धेरै कुरा जान्ने मौका पाउने बताए ।