खोज

चन्द्रौटा(कपिलवस्तु), ७ साउन ।

युवा क्लब तथा किशोरी समूहका प्रतिनिधिहरुसँग सामाजिक समस्या समाधान तथा योजना निर्माण तालिम समापन भएको छ । आईतबार समापन भएको तालिम सामाजिक समस्या समाधान गर्न योजना बनाउन तालिमको आयोजना गरिएको आयोजकले जनाएको छ ।

शिवराज नगरपालिकाका प्रमुख अजय थापाले समापन कार्यक्रमलाई सम्बोधन गर्दै किशोरकिशोरी तथा युवाहरुले तालिममा सिकेका कुराहरुलाई व्यवहारमा उर्तान आग्रह गरे । उनीहरुकोे भविष्यलाई इगित गर्दै शिक्षालाई प्राथमिकता दिनुपर्नेमा उनले जोडदिए । अहिलेदेखि नै लक्ष्य निर्धारण गर्न आवश्यक रहेको बताउँदै किशोरकिशोरीलाई उत्प्रेणा दिनुपर्ने उनको भनाई छ । अभिभावकहरुले पनि किशोरकिशोरीलाई उनीहरुको अवस्था मूल्यांकन गरी गाईड गर्नुपर्ने प्रमुख थापाले जिकिर गरे ।

प्रशिक्षक अजय सिंह चौधरीले क्लब तथा समूहका अगुवाहरुले स्थानीय सामाजिक समस्याहरुलाई समाधानका लागि योजनाका साथ अघि बढ्नुपर्ने बताए । समस्याको जरो खोजी न्यूनीकरण पर्नेमा उनले जोड दिए । अर्का प्रशिक्षक हरि अधिकारीले विशेषगरी मधेशी समुदायमा लुकेर बसेका अन्धविश्वास, बालबिबाह, अशिक्षा लगायत समस्याले अधिकांश घटना हुने गरेको उल्लेख गरे । त्यसलाई निर्मुम पार्न अब पछिल्लो युवा पुस्ता लाग्नुपर्ने जरुरी रहेको बताए । सिद्घार्थ युवा क्लबका अध्यक्ष प्रवेज आलम मुसलमानले तालिममा सिकेका कुराहरु व्यवहारमा उतार्ने बताए ।

ग्रामिण भेगमा रहेका समाजमा रहेका समस्यालाई समाधान गर्न प्रतिबद्घता समेत उनले जाहेर गरे । सिद्घार्थ सामाजिक विकास केन्द्र कपिलवस्तुको आयोजना, एकशन एड नेपाल र शिवराज नगरपालिकाको सहयोगमा भएको आईतबार समापन भएको कार्यक्रम तीन दिनसम्म सञ्चालन रहेको थियो । आधा दर्जन क्लब तथा किशोरी संवादका २ दर्जन बढी युवा, किशोरकिशोरीहरु तालिममा सहभागी भएको कार्यक्रम सहायक अधिकृत मनोज कुमार बरईले जानकारी दिए ।