खोज

नवलपुर, ३ साउन ।  नवलपरासी पूर्बको पर्यटकीय गाउँ पिप्रहर सामुदायिक होमस्टेमा दुुई बर्षपछि विदेशी पर्यटक भित्रिएका छन् । भौगोलिक, प्राकृतिक एवं साँस्कृतिक रुपले भरिपूर्ण नवलपरासी पूुर्बको देबचुुली नगरपालिकाको रजहरमा थारु र मगर समुुदाय मिलेर संचालनमा ल्याएका पिप्रहर होमस्टेमा कोभिड १९ को पछि पर्यटन सुस्ताएको थियो ।

पछिल्लोसमय भने विदेशी पर्यटकको आगमन हुन थालेपछि आन्तरिक र बाह्य पर्यटकको चाप बढेको पिप्रहर होमस्टेका ब्यबस्थापक सोमलाल महत्तोले बताए । ‘कोरोना संक्रमणपछि बिदेशीको आगमन शून्य थियो ।’—उनले भने । बिस्तारै अहिले पर्यटकहरु भित्रिन थालेको उनले बताए । होमस्टेबाट चितवन राष्ट्रिय निकुुन्ज सहज नियाल्न सकिने र बातावरणीय हिसाबले पनि यहाको सुुन्दरता लोभलाग्दो हुदा रजहरको पिप्रहर होमस्टेमा पर्यटक प्याकेजमा आउने उगरेको ब्यबस्थापक महत्तोले बताए ।

पिप्रहर होमस्टे पर्यटन व्यवस्थापन समितिका ब्यबस्थापक महत्तोका अनुसार गत बर्षको ११ महिनामा मात्र दश हजार बढि आन्तरिक पर्यटक हामस्टेमा बास बसेका छन भने अहिले तीन दर्जनको हाराहारीमा बिदेशीहरु समेत आएर बास बसेका तथ्याकमा रहेको बताउछन । यस बर्ष ३३ बढी बिदेशी पर्यटक गाउँ प्रवेश गरेको महत्तोले जानकारी दिए । विदेशी पाहुनालाई स्वागत गर्न पाउँदा आफुहरु धेरै खुसी भएको स्थानीय होमस्टे ब्यबसायी राम थारुले बताउछन । उता बिदेशी पाहुनाहरु सास्कृतिक खानाका परिकार, नृत्य र बास पाउदा पहिलो घुमाईमा धेरै खुसी व्यक्त गरेको ब्यबस्थापक महत्तोले बताएका छन ।

अहिले यहाँ आउने आन्तरिक पर्यटकको संख्या धेरै रहेको छ । दैनिक डेढ सय देखि चार सय जनासम्म आन्तरिक पर्यटक आउने गरेका स्थानीय हेमस्टे संचालकहरु बताउछन । योसंगै बिदेशी पर्यटक समेत आउन थालेपछि स्थानीयमा छुट्टै खुसी छाएको छ । स्थानीय रिम आले मगरले गाउँमा बिदेशी पर्यटकको आगमनसंगै चहलपहल बढेको र विदेशी पर्यटक आउँदा स्थानीयलाई झन् खुसी बनाएको अनुभव सुनाईन ।

यहाँको होमस्टेले गाउँमा पुग्ने पाहुनालाई सामुहिक पाहुनाघरमा राखेर सत्कार गर्ने, लठठी नाच ,सोरठी, घाँटु, कृष्णचरित्र, मौलिक लोकदोहोरी, रोधी लगायतका परम्परागत नृत्य प्रस्तुत गर्ने गर्छन् । पिप्रहर होमस्टे पर्यटन व्यवस्थापन समितिका ब्यबस्थापक महत्तोका अनुुसार मगर र थारु जाती मिलेर ५४ घरधुरीले गाउँमा होमस्टे चलाएका छन् । गाउँकै सामुन्ने ऐना जस्तैगरी देखिने चितवन राष्ट्रिय निकुुन्ज र यहाका जनावरहरुको दृश्यालोकनबाट सुन्दरता थपेको छ । चितवन राष्ट्रिय निकुुन्जसंगै नारायणी नदीको मनोरम दृष्यले पर्यटकलाई लोभ्याउने गरेको स्थानीय होटल ब्यबसायी पलट चौधरीको भनाई छ ।