खोज

दिनेश घिमिरे
कन्चन, २ साउन ।

रुपन्देहीको कञ्चन गाउँपालिका वडा नं.३ हरैया माध्यमिक विद्यालयमा एसईई नतिजा २०७९ सफल विद्यार्थीलाई बधाई तथा शुभकामना कार्यक्रम सम्पन्न गरेको छ ।

कार्यक्रममा कञ्चन गाउँपालिका अध्यक्ष नवराज ढकालले गुणस्तरीय शिक्षामा गाउँपालिका लागि परेको बताउँदै शिक्षा गुणस्तरीय बनाउने तर्फ शिक्षक र भौतिक संरचना बनाउन विद्यालय ब्यवस्थापन समिति लाग्नुपर्नेमा जोड दिए । उनले आफ्नो प्रमुख उद्देश्य शिक्षामा परिवर्तन रहेको बताउँदै हरैयाले जिल्लामै उत्कृष्ट नतीजा ल्याएको भन्दै विद्यालय र विद्यार्थी समुन्द्र ढुगांनालाई बधाई तथा शुभकामना दिए ।

सामाजिक विकास संयोजक चित्रलाल तुलाचनले शिक्षा बिना कुनैपनि कुराको परिवर्तन संभव नरहेको बताउँदै शिक्षाको लगानी कहिले पनि खेर नजाने बताए । उनले घरपरिवारमा गरिने फजुल खर्च शिक्षामै लगाउन आग्रह गर्दै हरैया माध्यमिक बिद्यालयलाई ८ कोठा बराबरको भौतिक संरचना बनाउन गाउँपालिका लागिपरेको बताए । उनले जिल्लामै उत्कृष्ट समुन्द्र ढुंगाना र हरैया माध्यमिक बिद्यालयलाई धन्यवाद दिए ।

कार्यक्रममा वडाअध्यक्ष टिकाराम सापकोटा, समाजसेवि पुषराज शर्मा, रामबहादुर थापा, विद्यालय ब्यवस्थापन समिति पुर्व अध्यक्ष भरतमणि सापकोटा, लगायतले आफ्नो भनाइ राख्दै विद्यालयको प्रगतिको लागि सबैले आ–आफ्नो ठाउँबाट सक्दो सहयोग गर्नुपर्ने जोड दिए । उनीहरुले हरैया माध्यमिक बिद्यालयले अहिलेको नतिजालाई कायम राख्नुपर्नेमा जोड दिएका थिए ।

उत्कृष्ट विद्यार्थीहरुलाई प्रमाणपत्रसहित सम्मान गरिएको थियोे । छात्रवृत्ति कक्षा १ देखि ५ सम्म सम्पूर्ण विद्यार्थीलाई, कक्षा ५ देखि ८ सम्म दलित विद्यार्थीहरुलाई, कक्षा ८ देखि कक्षा १० सम्म गरिव जेहन्दार विद्यार्थीलाई वितरण गरिने शिक्षक राजेन्द्र ढकालले जानकारी दिए ।

त्यस्तै कार्यक्रममा विद्यालयका प्राचार्य मेगनाथ शर्माले बिद्यालय सबै जनप्रतिनिधि, कर्मचारी, शिक्षक, अभिभावक, विद्यार्थीको सहयोगले जिल्लामै उत्कृष्ट भएको बताउँदै आफू सधै विद्यालय उत्कृष्ट बनाउनेतर्फ लाग्ने बताए । कार्यक्रममा सहायक प्राचार्य प्रकाश आचार्य, शिक्षक कलाधर ढकाललगायतले पनि बोलेका थिए ।