खोज

नेपालगन्ज, ३१ असार ।   नेपालगंजका साइकल प्रेमीहरुको सहभागीतामा कोरा साइक्लिङ च्यालेन्ज २०२३ सम्पन्न गरेका छन । यस बर्ष ५ औं सस्करणको कोरा भब्य रुपमा सम्पन्न भएको नेपालगन्ज साइक्लिङ क्लबका अध्यक्ष सतिश निरौलाले जानकारी दिए । कोरामा यसवर्ष ७ बर्षिय अभिनब चौधरी लगायत ६५ जना साईक्लिष्टको सहभागिता रहेको थियो ।

कार्यक्रममा नेपालगन्ज एस.ओ.एस.युवालयका डाइरेक्टर तुलाराम बिश्वास सहित युवालयका सदस्यहरु सहभागी थिए । नेपालगन्ज बौद्ध गुम्बाबाट शुरु गरिएको कार्यक्रमको भेरी अस्पताल नेपालगन्जका मेडिकल सुपरिटेन्डेन्ट डाक्टर बद्री चापागाईं साईकल चलाएर शुभारम्भ गरेका थिए । साइकल यात्रीहरूले नेपालगन्जको बौद्ध गुम्बा, जामा मस्जिद, बागेश्वरी मन्दिर, हनुमानगढी मन्दिर, गुरुद्वारा, ज्योतिचर्च, त्रीशक्ती मन्दिर हुँदै चौलिक्का, ढोडे गाउँ, शिवपुरा इन्डो– नेपाल बोर्डर हुँदै जोगागाउ मन्दिर भएर ३० किलोमिटरको यात्रा पुरा गरि साइकल यात्रीहरु नेपालगन्ज फर्किएका थिए ।

कोरा च्यालेन्ज ५०/७५ /१०० किलोमिटर गरि ३ प्रकारका दुरीमा आयोजना गरिएको क्लबका सचिव प्रदीप सापकोटाले जानकारी दिए । यात्रीहरु बर्दिया जिल्लाका पर्यटकिय स्थल परिक्रमा गरि नेपालगन्ज फर्किए भने एउटा समुह अगैया हुँदै नेपालगन्ज फर्किएको उनले बताए ।