खोज

भालुवाङ, २९ असार ।

नेशनल प्याप्सन लुम्बिनी प्रदेशले २०७९ को एसईईमा जिल्ला सर्वोत्कृष्ट अंक ल्याउने लुम्बिनी प्रदेशका २१ जना विद्यार्थीहरू र विद्यालयलाई सम्मान गरेको छ ।

नेशनल प्याप्सनले बिहीबार भालुवाङमा एक कार्यक्रमको आयोजना गरि नेपालटप र जिल्ला स्तरमा सर्वोत्कृष्ट अंक ल्याउने २१ जना विद्यार्थीहरू र विद्यालयलाई सम्मान–पत्र, नगद र खाँदा लगाएर सम्मान गरेको हो ।

यसरी सम्मानित हुनेहरूमा दाङ स्थित ज्ञानज्योति माविकी जेनिशा सुवेदीले ४ जिपिए, नवलपरासी स्थित लिटिल बुद्व इङलिस बोडिङ स्कुलकी तृष्णाकुमारी गौडले ४ जिपिए ल्याएका छन् ।

त्यसैगरी बर्दिया स्थित बर्दिया ऐकेडेमी एण्ड पोलिटेक्निकका गोविन्द कुमार विसीले ३.९० जिपिए, रूपन्देही स्थित सुनगाभा पव्लिक स्कुलका विवेक जैशीले ३.९५ जिपिए, सोही स्कुलका सुलभ थापाले ३.९५, सोही स्कुलकै प्रशंसा थापाले ३.९० जिपिए, नवलपरासी स्थित लिटिल बुद्व एजुकेशन फाउन्डेसनका डेविड कुर्मीले ३.८५ जिपिए, गुल्मी स्थित लिटिल स्टार पव्लिक स्कुलकी प्रतिमा थापाले ३.७० जिपिए, सोही जिल्ला स्थित गण्डकी इङलिस बोडिङ स्कुलका अस्विन जिसीले ३.७५ जिपिए ल्याएका छन् ।

यस्तै अर्घाखाँची स्थित सन्धिखर्क ग्रिन इङलिस बोडिङ स्कुलका रिशव खनालले ३.७० जिपिए, सोही स्कुलका समिन पौडेलले ३.७० जिपिए, कपिलवस्तु स्थित अन्नपूर्ण विद्या मन्दिरकि रोशनी चौधरीले ३.८५ जिपिए, सोही जिल्ला स्थित लुम्बिनी ग्यालेक्सीका दिपेन्द्र कुमार चौधरीले ३.६० जिपिए, बाँके स्थित हिमालय विद्या निकेतनका जवेल गिरीले ३.९० जिपिए, सोही विद्यालयकी कविता सुनारले ३.८५ जिपिए ल्याएका छन् ।

यस्तै बाँके स्थित तक्षशिला एकेडेमी सलिना पौडेलले ३.८५ जिपिए, सोही जिल्लाकै पञ्चमुखी इङलिस मोडेल स्कुलकी पुजा खत्रीले ३.८५ जिपिए, होप इन्टरनेशनलकी गौरिका अग्रवालले ३.८५ जिपिए, दाङ स्थित अमृत एकेडेमीका सागर बस्नेतले ३.९५ जिपिए, कपिलवस्तु स्थित लुम्बिनी ग्यालेक्सी बि.एसका मोहम्मद उमरले ३.६० जिपिए ल्याएका छन् ।

नेशनल प्याप्सन लुम्बिनी प्रदेशका अध्यक्ष कुबेर बस्नेत, केन्द्रीय उपाध्यक्ष सुबोध कुमार डाँगी, केन्द्रीय सचिव कृष्ण पौडेललगायतले उनीहरुलाई सम्मान गरेका हुन् । सम्मान कार्यक्रममा केन्द्रीय सदस्यहरू बामदेव न्यौपाने, कृष्णप्रसाद घिमिरे, राप्ती प्रेस मञ्चका वरिष्ठ उपाध्यक्ष सन्तोषकुमार गुप्ता लगायतका वक्ताहरूले शुभकामना मन्तव्य व्यक्त गरेका थिए ।