खोज

गुल्मी, २७ असार–   गुल्मीको गुल्मीदरबार गाउँपालिकाले सार्वजनिक सुनुवाई मार्फत वडा तहसम्म पुगेर नागरिकका गुनासा संकलन गरेको छ । पालिकाले वडा नं २ अन्तरगत जुभुङ्मा पुगेर आर्थिक वर्ष २०७९/८० को अन्तिम सार्वजनिक सुनुवाई कार्यक्रम मार्फत कार्यालयवाट प्रदान भएका सेवा प्रवाह र विकास निर्माणका विषयमा वडा तहमै पुगेर प्रत्यक्ष रूपमा अन्तक्र्रिया मार्फत जानकारी लिने उद्देश्यले उक्त कार्यक्रमको आयोजना गरेको हो ।
कार्यक्रममा जवाफदेही वक्ताको रूपमा गुल्मीदरबार गाउँपालिकाका प्रमुख प्रशासकीय अधिकृत राजिव पन्थीले पालिकाले आर्थिक वर्ष २०७९/८० मा गरेका मुख्य मुख्य कामहरूको बारेमा प्रगति समीक्षा विवरण प्रस्तुत गर्दै कार्यालयबाट प्रदान गरिने सेवा प्रवाहको सम्बन्धमा सेवा ग्राहीहरूले उठाएका वियवस्तु र गुनासाहरूको बारेमा स्पष्ट पारेका थिए ।

सार्वजनिक सुनुवाई कार्यक्रममा गुल्मीदरबार गाउँपालिका अध्यक्ष सरोज कुमार थापा एवं उपाध्यक्ष तारा थापा ढेंगा लगायतका व्यक्तिहरूले पालिकाले तय गरेको ‘सबल, सक्षम उत्पादनहील स्थानीय सरकार, संमृद्ध समुन्नत हाम्रो गुल्मीदरबार’ भन्ने नारालाई आत्मसाथ गर्दै नागरिकलाई कसरी छिटो र छरितो ढंगबाट सेवा प्रवाह गर्न सकिन्छ भन्ने विषयमा गाउँपालिका सधै लागि परेको बताए ।

कार्यक्रममा एक दर्जन भन्दा बढी सेवाग्राहीहरूद्वारा उठाइएका तीन दर्जन भन्दा दर्जन बढी प्रश्नहरूको जवाफदेही बक्ताहरूले उचीत रूपमा जिज्ञासाको सम्बोधन गरिएको वडा नं. २ का वडाध्यक्ष बिष्णु प्रसाद गौतमले बताए । उक्त सार्वजनिक सुनुवाई कार्यक्रममा शिक्षा, स्वास्थ्य, कृषि, पूर्वाधार, सामाजिक विकास, पर्यटन, खानेपानी, सडक लयागतका विषयमा सेवाग्राहीहरूले जिज्ञासा राखेका थिए । यसरी वडा तहसम्म पुगेर पालिकाले नागरिकको गुनासा सुनिदिएको भन्दै सेवाग्राहीहरूले यसलाई निरन्तरता दिनुपर्नेमा जोड दिएका छन ।