खोज

नवलपुर, २७ असार ।

पूर्वी नवलपरासीे देवचुली नगरपालिकामा रहेको जिल्लाको एक मात्र देवचुली वनस्पति उद्यान पार्कको संरक्षणमा अहिले स्थानीयहरु जुटेका छन् ।

देवचुली वनस्पति उद्यान पार्कको संरक्षण र सम्वद्र्धनका लागि देवचुली नगरपालिका वडा नं. १३ मा स्थानीयले हडपेको करिव १० विगाहा वढी सरकारी जग्गाको नाप जाँच गरी देवचुली उद्यान पार्कका रुपमा अघि वढाउने र नेपालमा पाईने जडिवुटीहरुको संरक्षण गर्ने उद्देश्यका साथ कामलाई तीव्रता दिईएको वडा नं. १३ का वडाध्यक्ष एकदेव पौडलेले बताए ।

देवचुुली नगरपालिकाको बौलाहा खोलासंगै मुख्य राजमार्गसंगै जोडिएको देवचुली वनस्पति उद्यान पार्कलाई पर्यापर्यटनको गन्तव्यका रुपमा विकास गर्ने उद्देश्यले काम अगाडि बढाईएको वडाध्यक्ष पौडेलको भनाई छ ।

देवचुली नगरपालिका वडा नं. १३ मा पर्ने सो देवचुली वनस्पति उद्यान पार्कलाई रु ५० लाख विनियोजन गरी काम सुरु भएको र यो वर्ष पनि संघीय र प्रदेश सरकारले चासोका रुपमा हेरेका छन् । यसलाई पर्यटनको मुख्य गन्तव्यका रुपमा अगाडि बढाई काम थालिएको देवचुली नगरपालिकाले जनाएको छ ।

हरेका जातका बिरुवा लगाएर खोलाको तटवन्धन स्वरुप पर्यटन क्षेत्रको मुख्य गन्तव्यका रुपमा अगाडि बढाईने देवचुली वनस्पति उद्यान पार्कका अध्यक्ष टेकनाथ सुवेदीको भनाई छ ।

देवचुली वनस्पति उद्यान पार्कको निर्माणमा महिलाहरुको भूमिका निक्कै सकृय रहेको स्थानीय सुमित्रा पाण्डे भुर्तेल बताउँछिन् ।

“देवचुली नगरपालिकाको मुटुमा रहेको देवचुली वनस्पति उद्यानको सरंक्षणमा स्थानीय सरकार र स्थानीयबासीले तदारुकता देखाएपछि यसको विकास हुनेमा शंका छैन”–स्थानीय रुक्मागत न्यौपाने भन्छन् ।

पर्यटकीय गन्त्वयका रुपमा अगाडि बढाईएको देवचुली वनस्पति उद्यान पार्कको विकासका लागि सवैको सहयोग भयो भने मात्रै पनि आन्तरिक र बाह्य पर्यटनको विकास सम्भव हुँदै जान सक्ने देवचुली नगरपालिकाका नगर प्रमुख हरि प्रसाद न्यौपाने जानकारी दिए ।