खोज

बुटवल, २५ असार    किसानले सरकारी पशु सेवा प्राविधिक बोलाउँदा समयमा उपस्थिति हुदैन्न भन्ने गुनासो किसानको सधैको हुने गर्दछन । भएपनि नीजी पारा भेटहरु नै अधिकांस किसानको लागि समयमा नै उपलब्ध हुँदै आएका हुन्छन् ।

तर सरकारी पाराभेट सहितका प्राविधिकहरू समयमा नै किसानको घर दैलोमा पुगेर सेवा प्रदान गर्दैनन भन्ने भ्रमलाई चिर्दै जिल्लाको भेटेरिनरी अस्पताल तथा पशु सेवा विज्ञ केन्द्र कार्यालयले भने किसानै घर गोठमा गएर सेवा प्रवाह गरेको छ । साविक जिल्लाका पशु सेवा कार्यालयहरू खारेज गरेर पालिका पालिकामा पशु विकास शाखा राखे पनि अहिले पनि प्राप्त मात्रामा पशु सेवा प्राविधिहरु छैनन । पालिकामा गाभिएका अधिकांस स्थानमा अहिले माथिल्लो स्तरका पशु चिकित्सक वा अधिकृत स्तरका पशु सेवा प्राविधीकहरूको अभाव छ ।

जिल्लामा रहेका १६ वटा पालिकामा कतिपय पालिकाका पशु सेवा शाखा प्राविधिक सहायक वा नायव प्राविधिक सहायक (जेटीए) तहका कर्मचारीहरूले चलाउदै आएका छन् । उनीहरूमा एक त व्यवहारिक ज्ञान, सिप र दक्षकताको अभाव छ भने आवश्यक तालिम समेत प्राप्त नगरेको पाईन्छ । तर प्रदेश सरकार अन्र्तगत साविक जिल्ला पशु सेवा कार्यालय को सट्टामा अहिले भेटेरिनरी अस्पताल तथा पशु सेवा विज्ञ केन्द्र रहेको छ । जसले पछिल्लो समयमा भने किसानको दैलोमा नै पुगेर सेवा दिने कामको सुरुवात गरेको छ ।

भेटेरिनरी अस्पताल तथा पशु सेवा विज्ञ केन्द्र रूपन्देहीका प्रमुख दिपक भुषालका अनुसार ‘डोर टु डोर’ कार्यक्रम अन्र्तगत किसानको गोठ गोठमा गएर सेवा प्रवाह गरिएको छ । जसमा स्थानी पालिकाका पशु सेवा प्राविधिक सहित जिल्लामा रहेको भेटेरिनरी अस्पताल तथा पशु सेवा विज्ञ केन्द्रका चिकित्सक सहतिको टोलीले किसा गोठमा नै गएर पशुको उपचार, स्वाथ्य परिक्षणा गर्नुको साथै औषधी समेत वितरण गरेको हो ।
किसानले आफ्नो पशु चौपायमा देखिएको समस्या बारेमा जिल्लामा रहेको भेटेरिनरी अस्पतालमा जानकारी गराएपछि सोही अनुसारको प्राविधिक टोली खटिएर पशु चौपायको स्वाथ्य परिक्षण सहितको सेवा प्रदान गरिएको कर्याालय प्रमुख दिपक भुषालले जानकारी दिए । उनका अनुसार बार्षिक स्वीकृत बजेट अनुसार डोर टु डोर कार्यक्रम अनुसार किसानकै घर गोठमा गएर सेवा प्रवाहको सुरुवात गरिएको हो ।

अर्को बर्ष पनि थप सेवा प्रदान गर्ने गरी कार्यक्रम तय गरिएको उनले जानकारी दिए । उनले भने–‘हामी किसानको समस्या समाधानका लागि किसान कार्यालयमा आउने भन्दा पनि प्राविधिक टोली सहितको सेवा किसानको घर गोठमा नै उपलब्ध भएमा राम्रो हुने हेुतेले यो काम गरिएको हो ।’ डोर टु डोर कार्यक्रम अन्तरगत भेटेरिनरी अस्पताल तथा पशुसेवा बिज्ञ केन्द्र, रूपन्देही र बुटव उपमहानगरपालिका पशुपंक्षि शाखाको सहकार्यमा बुटव उपमहानरपालिका १४ र १५ मा दुई दिन सम्म प्रजनन बिकृति भइ बाझोपनमा भएका र वडा नम्बर १४, देखि १६ का विभिन्न फार्ममा पालिएका कुल ६२ वटा गाई, भैसीहरूमा विशेषज्ञ सहितको प्रविधिक टोलि बाट उपचार गरिएको बुटवल उपमहानरपालिकाका पशुपंक्षि शाखा प्रमुख झविन्द्र प्रसाद बन्जाडेले जानकारी दिए । उनका अनुसार चिकितसकहरू डा. लक्ष्मण घिमिरे , डा.किरण भन्डारी, प्राविधिक टुकराज न्यौपाने,किरण चौधरी, शिव काहार सहित ईन्ट्रानका विद्यार्थीहरूस्को सहभागीतामा डोर टु डोर कार्यक्रम गरिएको हो ।