खोज

पाल्पा, २५ असार ।  दोभान सिद्धबाबा क्षेत्रमा निर्माण गरिन लागेको सुरुङ मार्गको नेपाल सरकारबाट डिजाइन स्विकृत हुन नसक्दा निर्माण कार्यले गति लिन सकेको छैन । सिद्धार्थ राजमार्गको बुटवल तानसेन खण्डको दोभान सिद्धबाबा क्षेत्रमा वर्षायाममा ढुगां खस्दा ठुलो धन जनको क्षति भएको भन्दै यसलाई कम गर्न सुरुङ मार्गको निर्माण थालिएको हो ।

गत आर्थिक वर्षको बजेट मार्फत सम्बोधन भएको सुरुङ मार्गको निर्माणका लागि भए पनि डिजाइन स्विकृतमा ढिलाई भएका कारण उत्साहित स्थानिय यतिखेर निरास भएका छन । ७ अरब ३४ करोड २१ लाख रुपैया अनुमानित गरिएको आयोजना गरिएको चाइना स्टेट इन्जिनियरिङ कम्पनीले निर्माणको जिम्बेबारी पाएको हो १ हजार १ सय २६ मिटर निर्माण गरिने यस आयोजकको गत असोज महिनादेखि नै निर्माण कम्पनीले कामको थालनी गरेपनि विगत तिन महिना देखि गति लिएको स्थानियहरुको भनाई रहेको छ ।

२, २ पटक समय सयममा र राजमार्ग नै बन्द गरेर निर्माण कम्पनीले काम गरेको भएता पनि आम जनताले दखिने गरी कामको प्रगति नभएको र यस्तै गतिमा काम गरेको खण्डमा २० वर्षमा पनि पुरा हुन नसक्ने स्थानिय हिरा कुमारी दर्लामी बताउछिन ।
डिजाइन स्विकृत बिना किन काम गरेको हो ? पटक पटक बाटो बन्द गरेर आम यात्रुलाइ कष्ट दिने काम मात्र भयो । कामको सुरुवात गरेपछि विशेष कारण बाहेक अन्य समयमा रोकीन हुदैनथियो । ४ वर्षमा पुरा गर्ने गरी नेपाल सरकारसंग ठेक्का संझौता भए पनि यो गतिका कारण समय सिमा भित्रमा पुरा हुन नसक्ने स्थानियहरुको बुझाई रहेको छ ।

निर्माण कम्पनीले भने हाल सम्म डिजाइन स्विकृत नहुदा काममा ढिलाई भए पनि कामको प्रगति कमजोर नभएको र हालसम्म डाइभर्सन निर्माण, गेट निर्माण भएको छ । मुख्य काम माटो परिक्षण हो त्यो पनि सकियो, माथिको गेटको काम सकिएर तलको गेटको काम भएको थियो वर्षादका कारण काम रोकीन परेको जनाएको छ । कार्य क्षेत्र पाल्पा, कार्यालय बुटबलमा र प्राविधिक रेखदेख रुपन्देही सडक डिभिजनलाई जिम्मेबार सरकारले दिएको छ । यस्ता कारणले पनि डिजाइन स्विकृतदेखि भौतिक प्रगति कम भएको सडक डिभिजन कार्यालय पाल्पाका प्राविधिकहरु बताउछन ।

डिजाइन गर्न जिम्बेबारी कम्पनीले डिजाइनका कार्य पुरा गरेर नेपाल सरकारलाई बुझाई सकेको र सरकारले निर्माण कम्पनीलाई स्विकृत गरी साउन भित्रमा हस्ताक्षर गर्ने बताएको छ । डिजाइनको स्विकृतले मात्र नभई निर्माण कम्पनीलाइ कामको ताकेता गर्ने कार्य पनि सुस्त गतिमा भएका कारणका अगाडि बढने विषयमा आशंका उब्जिएको स्थानियहरुको बुझाई रहेको छ ।
उत्तर दक्षिण तथा हिमाल पहाड देखि तराई सम्म जोडने यस सडकको यस क्षेत्रमा चट्टाने पहाड भएकाले वर्षायाममा माथिबाट झर्ने ठुला ठुला ढुंगाहरुका कारण ठुलो धन जनको क्षति भएको नै छ । त्यसैमाथि सडक अबरुद्ध हुने हुदा गण्डकी प्रदेशको स्याङजा, कास्की, बाग्लुङ, मुस्ताङ, म्यादी र लुम्बिनी प्रदेशको अर्घाखाची, गुल्मी , पाल्पा जिल्लाका जनताले सास्तीको सामना गर्दै आउनुपरेको छ ।