खोज

कपिलवस्तु (बुटवल टुडे) २० असार   युवराज सिद्धार्थले राजसी सुखसयल त्यागेर मध्यरातमा ज्ञान प्राप्तिका लागि हिडेको झल्को दिइएको छ । २ हजार ६ सय १८ वर्ष अधिराजकुमार सिद्धार्थले दरबार छाडेर गएको झल्को दिने गरि राति १२ बजे तौलिहवाका शाक्यपुत्र सिद्धार्थ शाक्य घोडा चढेर दरबार बाहिर निस्केका थिए ।

प्राचिन कपिलवस्तु दरबार (तिलौराकोट) को पुर्वीद्वारमा सोमबार मध्यरातमा त्यसको सम्झनामा महाभिनिष्क्रमण दिवश मनाईएको छ । पटक पटक बर्षाले अवरोध गरे पनि सोमबार मध्यरातमा ठुलो संख्यामा स्थानियको सहभागीता रहेको थियो । कार्यक्रममा अखिल नेपाल भिक्षु महासंघका पुर्व अध्यक्ष भिक्षु मैत्री महस्थबिरले शिल प्रार्थना गराएसगै कार्यक्रम शुरु भएको थियो ।

ऐतिहासिक घटना ब्यूताउदै पर्यटकीय आकर्षण बढाउन केहि बर्ष यतादेखी महाभिनिष्क्रमण दिवश मनाउन शुरु गरिएको कार्यक्रमका परिकल्पनाकार तथा लुम्बिनी बिकास कोषका सदभावना दुत बिक्रम पाँडेकाजीले बताए । लुम्बिनी र कपिलवस्तुलाई जोडेर पर्यटन उत्पादनलाई प्रबद्र्धन गर्न माता मायादेवी सुत्केरी मार्ग, महाभिनिष्क्रमण, महा घरफिर्ती अभियानको परिकल्पना गरि कार्यक्रमहरु अगाडी बढाईएको जनाउदै कपिलवस्तुका लागि स्वर्णयुगको प्रारम्भ हुन थालेको बताए ।

सम्पुर्ण बुद्धमार्गीका लागी महाभिनिष्क्रमणको दिन भावुक दिन भएको स्मरण गर्दै कपिलवस्तुको बिकासमा दिवश आयोजनाले टेवा पुर्याउने लुम्बिनी बिकास कोषका परिषद सदस्य गोपीकृष्ण शर्माले बताए । पछिल्ला केहि बर्ष यता शुरु भएको महाभिनिष्क्रमण दिवश भव्य बन्दै गएको र यसले कपिलवस्तुको बुद्धस्थलको बिकासमा टेवा पुर्याउने कपिलवस्तु नगरपालिका वडा नम्बर ३ का अध्यक्ष प्रकाश गैरेले बिश्वास व्यक्त गरे ।
कपिलवस्तुको बुद्धस्थलको प्रचार प्रसार र बिकासमा समुदायको अग्रसरता बढ्नु सकारात्मक भएको लुम्बिनी बिकास कोषका कार्यकारिणी सदस्य रामनरेश प्रसाद कोहारले बताए । असार पुर्णीमाको दिन महाभिनिष्क्रमण सगै शुद्धोधन महाराजले रोपाई उत्सव गर्दा सिद्धार्थले ध्यान बसेको दिन, सिद्धार्थले सारनाथमा सुत्र देशना गरेको र प्रथम धर्म साङ्गयाना गरिएको दिन भएको अखिल नेपाल भिक्षु महासंघका पुर्व अध्यक्ष भिक्षु मैत्री महस्थबिरले बताए ।
कार्यक्रममा सरिक हुन आएकी नेपाल स्थित श्रीलंकाका कार्यवाहक राजदूत निलुसा डिल्मिनीले महाभिनिष्क्रमणको कार्यक्रममा सरिक हुन पाउदाँ सुखी लागेको बताईन । आफ्नो देशमा ७० प्रतिशत बुद्धमार्गी भए पनि आफु सहित धेरैलाई सिद्धार्थ गौतमको दरवार कपिलवस्तु भन्ने जानकारी भए पनि कपिलवस्तु नेपालमा रहेको बारे धेरै जसो अनभिज्ञ रहेको बताईन ।

नेपालीहरुले कपिलवस्तु सहितका स्थलको महत्व आफुले पनि बुझनु पर्ने र बिश्वलाई बुझाउन पनि अग्रसर हुनु पर्ने उनले सुझाव दिईन । कपिलवस्तुमा पर्यटन बिकासका लागि आफुहरुले महाभिनिष्क्रमण सहितका कार्यक्रमलाई अगाडी बढाईएको कपिलवस्तु टुरिजम अध्यक्ष मनोजकुमार श्रीवास्तबले जानकारी दिए ।
कपिलवस्तु स्थित राजप्रासाद तिलौराकोटमा बुद्ध सर्किट नेपाल र गच्छामी मिडिया ग्रुपको सयुक्त आयोजनामा तथा लुम्बिनी विकास कोष, पर्यटन विकास परिषद् लुम्बिनी प्रदेश, कपिलवस्तु नगरपालिका वडा नम्बर ३ को सहयोग एवम कपिलवस्तु टुरिजमको समन्वयमा दिवस आयोजना गरिएको हो ।