खोज

चन्द्रौटा(कपिलवस्तु), २० असार ।

भारतको नौगढबाट दुई किशोरीको उद्दार गरिएको छ । आफन्त नेपाल कपिलवस्तुले सो किशोरीहरुलाई मंगलबार उद्दार गरी नेपाल ल्याइएको आफन्त नेपालले जनाएको छ । उद्दार गरिएका दुबै किशोरी बुद्धभूमि नगरपालिका रहेका आफन्त नेपालका प्रमुख केशर विश्वकर्माले बताए । उनका अनुसार उद्दार गरिएका किशोरीहरु वर्ष १६ र १७ का परिवर्तित नाम आशा र रिमा रहेका छन् । भारतमा भाउजु नाता पर्नेले जागिर लगाई दिने भन्दै बोलाएपछि उनीहरु घरमा कसैलाई जानकारी नदिई भारत जाँदै गर्दा अलपत्र अवस्थामा उद्दार गरी संरक्षणमा लिएको भारती संस्था बाल न्यायलयका प्रमुख विरेन्द्रले जानकारी गराएका थिए । उद्दार गरिएका किशोरीहरुलाई तत्काल आफन्त नेपालसँग समन्वय गरी नेपाल फर्काउने प्रक्रिया अघि बढाइएको थियो ।

उनीहरुको अभिभावकलाई सम्पर्क गर्दा भारतमा पुगेको भने पश्चात् आफूहरु अचम्ममा परेको बताउँछन् । भारतमा रहेको बाल न्यायलयमा सम्पूर्ण प्रक्रिया पुरा गरी आफन्त नेपालको समन्वयमा हाल किशोरीहरुलाई नेपाल फिर्ता गरी अभिभावकको जिम्मा लगाईएको जनाइएको छ । आफन्त नेपालले सीमा निगरानी सँगै भारत लगायत विभिन्न स्थानबाट उद्दार भएकाहरुलाई स्वदेश फिर्ता गर्ने कार्य गर्ने गरेको प्रमुख विश्वकर्माको दावी छ । जोखिममा परेका विभिन्न महिला तथा किशोरीहरुलाई सीप तथा शिक्षामा सहायता गरी उनीहरुको जीवन रुपान्तरणमा जोड दिई आफन्त अगाडि बढेको समेत उनले बताए । जसले गर्दा उद्दार गरिएका महिला तथा किशोरीहरु रोजगार तथा आत्मा निर्भर भएको आफन्त नेपालले जनाएको छ । विगत १ बर्ष अघि शिवराज नगरपालिका बस्ने कक्षा ९ मा पढ्ने एक किशोरी छिमेकीबाट हिंसा भई मानसिक रुपमा बिक्षिप्त भएकी किशोरी हाल संस्थाकै उच्च शिक्षा हासिल गर्दै उनी एक उदाहरणसमेत बनेकी छन् ।